ایسا گانا جسے 100 سے زیادہ خودکشیوں کی وجہ سمجھا جاتا ہے

کیا آپ سوچ سکتے ہیں کہ ایک گانا درجنوں خودکشیوں کا باعث بن سکتا ہے؟

تو یہ جان کر حیران رہ جائیں گے کہ ایک گانے گلومی سنڈے کو ایک سو سے زیادہ خودکشیوں سے منسلک کیا جاتا ہے جن میں سے ایک خودکشی اس شخص کی تھی جس نے گانے کو کمپوز کیا۔

اب اس گانے نے درجنوں افراد کو خودکشی پر مجبور کیا یا نہیں، اس کی حقیقت تو معلوم نہیں مگر ایک بات یقینی ہے کہ گانے کے کمپوزر Rezso Seress نے اپنی زندگی کا خاتمہ خود کیا اور اس کے سب سے زیادہ کامیاب گانے نے ممکنہ طور پر اس میں کردار ادا کیا۔

بہت، بہت زیادہ المیہ گانا

Rezso Seress یورپی ملک ہنگری میں پیدا ہوئے اور 1933 میں (جب ان کی عمر 34 سال تھی) وہ ایک ناکام گیت نگار تھے۔

کچھ روایات کے مطابق وہ اس وقت پیرس میں مقیم تھے جبکہ کچھ کے مطابق وہ بڈاپسٹ کے رہائشی تھے۔

داستانوں کے مطابق اس زمانے میں ان کی گرل فرینڈ انہیں چھوڑ کر چلی گئی جس کے نتیجے میں وہ ڈپریشن کے شکار ہوگئے اور ایک گیت کی دھن تحریر کی جسے گلومی سنڈے کہا گیا، جس کی عرفیت ہنگرین سوسائیڈ سونگ ہے۔

’ہوشربا بڑھتی مہنگائی اور مصروفیات‘ وقت اور پیسے کیسے بچائیں؟

اگر آپ نے شاپنگ کرنی ہے تو کیش سے ہی کیجیے کیونکہ کریڈٹ کارڈ کے استعمال سے شاپنگ زیادہ کی جاتی ہے

اس دھن کے بہت زیادہ اداس کردینے والے بول Rezso Seress کے دوست Laszlo Javor نے تحریر کیے۔

کچھ رپورٹس میں دعویٰ کیا گیا ہے کہ Laszlo Javor کی گرل فرینڈ انہیں چھوڑ کر چلی گئی تھی اور اس کے نتیجے میں انہوں نے دھن سے متاثر ہوکر ایک نظم تحریر کی۔

کچھ افراد کا کہنا ہے کہ Rizso Seress نے اس گیت کو خود تحریر کیا جو جنگ اور قیامت کے بارے میں تھا جس کو بعد میں Laszlo Javor نے دل شکن گیت میں بدل دیا۔

حقیقت جو بھی ہو مگر آغاز میں یہ گیت زیادہ توجہ کا مرکز نہیں بن سکا تھا، مگر 2 سال بعد گلوکار پال کالمر کی آواز میں اس کا ریکارڈڈ ورژن ہنگری میں متعدد خودکشیوں کے ساتھ منسلک کیا گیا۔

ٹرینوں کے ٹریک پر بہت زیادہ پتھروں کے ہونے کی وجہ جانتے ہیں؟

یہ چھوٹے پتھر ٹریک کے درمیان اور دونوں اطراف میں موجود ہوتے ہیں تو ان کی موجودگی کی وجہ کیا ہے؟

اس کے بعد مبینہ طور پر گانے پر پابندی عائد کردی گئی۔

خیال رہے کہ 1930 کی دہائی میں ہنگری میں اخبارات کی تعداد نہ ہونے کے برابر تھی تو اس گانے سے متعلق داستانوں یا روایات کی تصدیق کرنا ممکن نہیں۔

ویسے بھی ہنگری وہ ملک ہے جہاں خودکشیوں کی شرح دنیا میں سب سے زیادہ قرار دی جاتی ہے۔

ایک تخمینے کے مطابق اس یورپی ملک میں ہر ایک لاکھ میں سے 46 افراد اپنی زندگی کا خاتمہ خود کرتے ہیں۔

مگر اس بات سے انکار نہیں کہ ایک گانا خودکشیوں کی وجہ بننا ایسی اسٹوری تھی جو توجہ کا مرکز بنی اور بعد ازاں اس گانے کا انگلش ترجمہ بھی سامنے آیا۔

نابینا نجومی بابا وانگا نے 2023 کیلئے کیا پیش گوئیاں کی تھیں؟

بابا وانگا کی جانب سے کی گئی پیش گوئیوں میں سے 80 فیصد درست ثابت ہوئیں۔

سام لوئس نے اسے انگلش زبان میں گایا اور گانے کے مایوس کردینے والے بولوں کو حقیقی الفاظ کے قریب تر رکھا۔

1941 میں بلی ہولی ڈے نے گلومی سنڈے کا حتمی ورژن ریکارڈ کرایا جس میں دکھائی جانے والی خاتون نے اس گیت سے جڑی روایات کو ایک نئی زندگی دی۔

ویسے تو یہ دعویٰ کیا جاتا ہے کہ امریکا میں اس گانے پر پابندی عائد کی گئی تھی مگر ایسا کبھی نہیں ہوا تھا، البتہ برطانیہ میں صرف اس کی دھن کو چلانے کی اجازت تھی یا کم از کم ایسا دعویٰ ضرور سامنے آیا ہے۔

کچھ افراد کے چہروں پر ڈمپل کیوں ہوتے ہیں؟

سوال یہ ہے کہ یہ خصوصیت چند چہروں کا ہی حصہ کیوں بنتی ہے؟

1999 میں ایک جرمن فلم میں ایک ایسے گانے کی کہانی بیان کی گئی جو متعدد خودکشیوں کا باعث بن گیا جس سے ایک بار پھر گلومی سنڈے لوگوں کی توجہ کا مرکز بن گیا۔

مگر Rezso Seress نے خودکشی کیوں کی تھی؟

دوسری جنگ عظیم کے دوران Rezso Seress کو جرمن لیبر کیمپ میں ڈال دیا گیا تھا جہاں وہ زندہ بچنے میں کامیاب رہے۔

اس کے بعد انہوں نے تھیٹر اور سرکس میں کام کیا جہاں وہ جمناسٹک کے کرتب دکھاتے تھے۔

بعد ازاں وہ پھر گیت نگاری کرنے لگے مگر کبھی گلومی سنڈے جیسا ہٹ گیت نہیں لکھ سکے۔

سال کے کچھ مہینے 31 اور کچھ 30 دنوں کے کیوں ہوتے ہیں؟

کیا کبھی آپ نے سوچا کہ آخر سال کے 12 مہینوں کے دن برابر کیوں نہیں ہوتے؟

ایسا کہا جاتا ہے کہ جب یہ گانا کامیاب ہوا تو trapeze نے اپنی گرل فرینڈ سے تعلق بحال کرنے کی کوشش کی مگر انہیں علم ہوا کہ اس لڑکی نے زہر کھا کر خودکشی کرلی جبکہ گانے کی دھن کی شیٹ اس کے قریب موجود تھی۔

اس کہانی کے ایک اور ورژن کے مطابق اس لڑکی نے خودکشی کرلی تھی اور ایک خط چھوڑا تھا جس پر بس گلومی سنڈے تحریر تھا۔

اب یہ حقیقت ہے یا نہیں مگر Rezso Seress نے ضرور 1968 میں اپارٹمنٹ بلڈنگ سے چھلانگ لگا کر خودکشی کرلی تھی جس کی وجہ معلوم نہیں۔