10 جنوری ، 2023 
نجم سیٹھی اے سی سی کیساتھ کشیدہ تعلقات پر بات جیت کرنے دبئی جائیں گے
10 جنوری ، 2023
پاکستان کرکٹ بورڈ( پی سی بی)کی منیجمنٹ کمیٹی کے چیئرمین نجم سیٹھی12 جنوری کو دبئی جائیں گے۔
ذرائع کے مطابق نجم سیٹھی کو ایمریٹس کرکٹ بورڈ کی جانب سے مدعو کیا گیا ہے ، وہ انٹرنیشنل لیگ ٹی ٹوئنٹی ( آئی ایل ٹی) کی افتتاحی تقریب میں شریک ہوں گے، آئی ایل ٹی 13 جنوری سے دبئی میں شروع ہوگی۔
ذرائع کا کہنا ہے کہ دورے کے دوران نجم سیٹھی ایمریٹس کرکٹ بورڈ اور ایشین کرکٹ کونسل( اے سی سی) کے عہدیدران سے سائڈ لائنز پر ملاقات کریں گے ۔ْ
ذرائع کے مطابق نجم سیٹھی ایشیا کپ کے ایشو پر پاکستان کا مؤقف پیش کریں گے جبکہ اے سی سی کے ساتھ کشیدہ تعلقات کے معاملات پر اور 2025 کی چیمپئنز ٹرافی کے حوالے سے آئی سی سی حکام سے بھی بات کریں گے۔
خیال رہے کہ ایشیا کپ 2023 کی میزبانی پاکستان نے کرنی ہے تاہم بھارتی کرکٹ بورڈ ایشیا کپ کیلئے اپنی ٹیم پاکستان بھیجنے سے انکار کر چکا ہے جس کے بعد ایونٹ نیوٹرل وینیو پر ہونے کا امکان ہے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
3 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
5 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
