11 جنوری ، 2023 
پاکستان
ہمارے پاس شہر کا کچرا ٹھکانے لگانے کا بھی پلان ہے، ہم کونسل جاکر شہر کا مقدمہ لڑیں گے: خواجہ سرا_فوٹو: فائل
بلدیاتی انتخابات: سندھ حکومت نے پہلی بار خواجہ سراؤں کو نمائندگی کا موقع دیدیا
11 جنوری ، 2023
کراچی: سندھ حکومت نے پہلی مرتبہ خواجہ سراؤں کو بھی بلدیاتی انتخابات میں نمائندگی کا موقع دیا ہے۔
کراچی اور حیدرآباد کے بلدیاتی الیکشن میں میونسپل کارپوریشنز میں خصوصی نشست پر پہلی بار خواجہ سرا کونسل کا حصہ ہوں گے۔
اس موقع پر خواجہ سرا شہزادی رائے نے کہا کہ ہمارے پاس شہر کا کچرا ٹھکانے لگانے کا بھی پلان ہے، ہم کونسل جاکر شہر کا مقدمہ لڑیں گے۔
خیال رہے کہ 15 جنوری کو سندھ میں بلدیاتی انتخابات کے دوسرے مرحلے میں کراچی اور حیدرآباد میں پولنگ ہوگی جس کے لیے الیکشن کمیشن کی تیاریاں حتمی مراحل میں داخل ہوگئی ہیں۔
