13 جنوری ، 2023 
پاکستان
سندھ حکومت نے بلدیاتی الیکشن سے متعلق اپنا اختیار استعمال کیا: وزیر اطلاعات کی جیونیوز سے گفتگو/ فائل فوٹو
الیکشن کمیشن کے فیصلے کا احترام ہے، اس کا جائزہ لے رہے ہیں: شرجیل میمن
13 جنوری ، 2023
کراچی: وزیر اطلاعات سندھ شرجیل میمن نے کہا ہے کہ کراچی اور حیدرآباد میں بلدیاتی الیکشن سے متعلق سندھ حکومت الیکشن کمیشن کے فیصلے کا جائزہ لے رہی ہے۔
جیونیوز سے گفتگو کرتے ہوئے شرجیل میمن نے کہا کہ سندھ حکومت نے بلدیاتی الیکشن سے متعلق اپنا اختیار استعمال کیا، ہم الیکشن کمیشن کے فیصلے کا احترام کرتے ہیں اور اس فیصلے کا جائزہ لے رہے ہیں۔
انہوں نے کہا کہ بلدیاتی الیکشن کی سکیورٹی کے لیے فوج اور رینجرز معذرت کرچکی جب کہ الیکشن میں فوج اور رینجرز کی تعیناتی وفاق کا اختیار ہے۔
