نیند نہ آنے سے پریشان رہتے ہیں؟ تو اس کا آسان اور دلچسپ حل ضرور پسند آئے گا

کیا اکثر رات کو سونے کے لیے لیٹنے کے بعد نیند نہیں آتی؟ تو اس کا آسان حل آپ کے ٹی وی میں چھپا ہے۔

جی ہاں واقعی سونے سے قبل پرتجسس تھرلر ٹی وی ڈرامے یا شوز دیکھنے سے بے خوابی کے مسئلے کو دور کرنے میں مدد مل سکتی ہے۔

نیند کی وہ عام عادات جن کو اپناکر آپ اگلے دن کو اچھا بناسکتے ہیں

تحقیق میں 4 ایسے عناصر کو شناخت کیا گیا جو صبح اٹھنے پر آپ کو تازہ دم بناتے ہیں۔

یہ دلچسپ دعویٰ سوئٹزر لینڈ میں ہونے والی ایک تحقیق میں سامنے آیا۔

Fribourg یونیورسٹی کی تحقیق میں دریافت کیا گیا کہ پرتجسس شوز کو دیکھنے سے نیند کے معیار پر منفی اثرات مرتب نہیں ہوتے بلکہ جلد سونے میں مدد ملتی ہے۔

اس تحقیق میں 50 افراد کو شامل کیا گیا جن کو سونے سے قبل ٹی وی پر کسی شو کی 3 اقساط دکھائی جاتی تھیں۔

50 فیصد رضاکاروں کو مختلف پرتجسس شوز دکھائے گئے جبکہ دیگر افراد کو دستاویزی شوز دکھائے گئے۔

تحقیق کے دوران ان افراد کی دل کی دھڑکن کی رفتار اور ایک ہارمون کورٹیسول کی سطح کے ذریعے تناؤ کا جائزہ بھی لیا گیا۔

وہ 9 اثرات جن کا سامنا نیند کی کمی کے باعث جسم کو ہوتا ہے

کیا آپ کو معلوم ہے کہ اگر آپ روزانہ 5 گھنٹے سے کم سونے کے عادی ہوتے ہیں تو اس کے جسم پر کیا اثرات مرتب ہوتے ہیں؟

نتائج سے معلوم ہوا کہ اگرچہ پرتجسس شوز کو دیکھنے کے دوران تناؤ بڑھ جاتا ہے مگر انہیں دیکھنے والے افراد کی نیند کا معیار یا دورانیہ متاثر نہیں ہوا۔

محققین کے مطابق ہم نے دریافت کیا کہ دستاویزی پروگرامز دیکھنے والوں کے مقابلے میں پرتجسس شوز دیکھنے والے بستر پر جاکر جلد سوجاتے تھے۔

تحقیق میں دریافت کیا گیا کہ ذہن گھما دینے والے اختتام پر مبنی پرتجسس شوز دیکھنے والے افراد بستر پر لیٹنے کے بعد اوسطاً 19 منٹ 13 سیکنڈ کے اندر سوجاتے تھے جبکہ دستاویزی شوز والے گروپ کے افراد میں یہ دورانیہ 21 منٹ 20 سیکنڈ ریکارڈ ہوا۔

اسی طرح عام پرتجسس شوز کو دیکھنے والوں کو سونے کے لیے 18 منٹ 39 سیکنڈ درکار ہوتے تھے۔

نیند کا وہ راز جو یادداشت کو بہتر بناتا ہے

رات کو نیند کے دوران کچھ وقت کی بیداری درحقیقت اچھی نیند کی علامت ہوتی ہے۔

محققین کے مطابق ٹی وی شوز سے کسی فرد کے نیند کے دورانیے، گہری نیند اور دیگر عوامل پر کوئی اثرات مرتب نہیں ہوئے بلکہ وہ جلد سونے لگے۔

ماہرین اس کی وجہ تو دریافت نہیں کرسکے مگر ان کے خیال میں پرتجسس مواد دیکھنے والوں کے لیے زیادہ دلچسپ ہوتا تھا جبکہ دستاویزی پروگرامز دیکھنے سے بیزاری کے باعث ممکنہ طور پر نیند متاثر ہوتی ہے۔

اس تحقیق کے نتائج جرنل سلیپ میڈیسین میں شائع ہوئے۔