19 جنوری ، 2023 
ایلون مسک نے ٹوئٹر کے دفتر کی قیمتی اشیاء نیلامی کیلئے پیش کر دیں
19 جنوری ، 2023
ایلون مسک نے ٹوئٹر کے سان فرانسسکو کے دفتر کی 100 سے زائد نایاب اشیاء آن نیلامی کیلئے پیش کر دیں۔
گزشتہ سال ٹوئٹر کے مالک بننے کے بعد ایلون مسک نے پہلے سیکڑوں ملازمین کو فارغ کیا اس کے بعد دفتر میں موجود ملازمین کے لیے مفت کھانے کی سروس ختم کی اور اب ان کی جانب سے سان فرانسسکو کے دفتر کی پرانی اور قیمتی اشیا کی نیلامی کی جارہی ہے۔
رپورٹس کے مطابق ٹوئٹر کے مشہور پرندے والے لوگو کا مجسمہ 11 ہزار ڈالرز میں نیلامی کے لیے پیش کیا گیا ہے۔
اس کے علاوہ دفتر کی کافی میز، پرنٹنگ کا سامان ، صوفے، کچن کا سامان اور فرنیچر بھی نیلامی کے لیے پیش کیا گیاہے۔
گزشتہ سال نومبر میں ایلون مسک نے ٹوئٹ کرتے ہوئے انتباہ جاری کی تھی کہ کمپنی مالی نقصان میں جارہی ہے،ہوسکتا ہے کہ ٹوئٹر بینک کرپٹ میں ہوجائے۔
دوسری جانب گزشتہ دنوں یہ خبر بھی سامنے آئی تھی کہ ٹوئٹر پر سان فرانسسکو کے دفتر کا کرایہ نہ دینے پر مقدمہ کیا گیا ۔
واضح رہے کہ حال ہی میں یہ رپورٹ بھی سامنے آئی کہ ایلون مسک دنیا کے پہلے ایسے شخص بن گئے ہیں جن کی دولت میں 200 ارب ڈالرز کی کمی آئی ہے۔
نومبر 2021 میں ایلون مسک کی دولت ریکارڈ 340 ارب ڈالرز تک پہنچی مگر 2022 کے اختتام پر وہ گھٹ کر 137 ارب ڈالرز تک پہنچ گئی۔
ماہرین کا خیال ہے کہ اگر کوئی یہ سوچتا ہے کہ کمپنی کا سامان بیچنے سے ٹوئٹر کو فائدہ ہوگا تو ایسا سوچنا بے وقوفی ہے۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
