27 جنوری ، 2023 
انسدادِ ربا اسٹیئرنگ کمیٹی کا پہلا اجلاس، اسحاق ڈار نے سودی نظام کے خاتمے کا عزم دہرایا
27 جنوری ، 2023
وزیر خزانہ اسحاق ڈار نے اس عزم کو دہرایا ہے کہ پانچ سالوں میں ملک سے سودی نظام کا خاتمہ کر دیاجائے گا اور اسلامک فنانسنگ رائج ہو جائے گی۔
وزیر خزانہ اسحاق ڈار کی زیر صدارت وفاقی شریعت عدالت کے انسدادِ ربا فیصلے پر عمل درآمد کیلئے اسٹیئرنگ کمیٹی کا پہلا اجلاس اسلام آباد میں ہوا۔
وزارت خزانہ کے اعلامیے کے مطابق وزیر خزانہ نے گورنر اسٹیٹ بینک کی سود سے پاک اسلامک فنانسنگ سسٹم کے عمل درآمد کے روڈ میپ کی تیاری کی کوششوں کو سراہا۔
وزیر خزانہ نے اسٹیٹ بینک اور نیشنل بینک کی طرف سے وفاقی شریعت عدالت کے فیصلے کیخلاف اپیل واپس لینے کو بھی سراہا۔
وزیر خزانہ نے حکومت کی اسلامی فنانس کو فروغ دینے کی ترجیح پر زور دیا۔ وزیر خزانہ نے کمیٹیوں میں اسلامی قانون کے ماہرین کو بھی رکھنے پر زور دیا اور اضافی سکوک بانڈز جاری کرنے کیلئے علماء اور اسلامی دانشوروں سے مشورہ کرنے پر بھی زور دیا۔
انہوں نے وفاقی شریعت عدالت کے فیصلے پر عمل درآمد کیلئے مکمل تعاون کی یقین دہانی کروائی۔
گورنر اسٹیٹ بینک نے شرکاء کو وفاقی شریعت عدالت کے فیصلے پر عمل درآمد کے روڈ میپ پر بریفنگ دی۔
گورنر اسٹیٹ بینک نے بتایا کہ فیصلے پر عمل درآمد کیلئے پانچ ورکنگ گروپس قائم کیے گئے ہیں۔
مزید خبریں :
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
ملک میں سونا سینکڑوں روپے سستا ہوگیا
24 دسمبر ، 2024
انٹربینک میں ڈالر مہنگا ہوگیا
23 دسمبر ، 2024
