03 فروری ، 2023 
ویڈیو: شاہین کے نکاح کے بعد استقبالیے میں قومی کرکٹرز سمیت مشہور شخصیات کی شرکت
03 فروری ، 2023
پاکستان کرکٹ ٹیم کے فاسٹ بولر شاہین آفریدی اور شاہد آفریدی کی بیٹی انشا کے نکاح کے بعد استقبالیے کی تقریب میں بابر اعظم سمیت قومی کرکٹرز شریک ہیں۔
شاہین آفریدی کا نکاح شاہد آفریدی کی بیٹی انشا کے ساتھ کراچی کی مقامی مسجد میں ہوا، نکاح مولانا عبدالستار نے پڑھایا، رخصتی بعد میں ہوگی۔
شاہین آفریدی کے نکاح کے بعد کراچی کے مقامی کلب میں ریسیپشن کا آغاز ہوگیا،تقریب میں شرکت کیلئے شاہین آفریدی اپنے سسر کے ساتھ پنڈال پہنچے۔
اس کے علاوہ پاکستان کرکٹ ٹیم کے کپتان بابر اعظم، سابق کپتان سرفراز احمد، محمد حفیظ، شاداب خان ، نسیم شاہ ، فخر زمان اور دیگر کرکٹرز تقریب میں شریک ہیں۔
پی سی بی کے سابق چیف ایگزیکٹو وسیم خان، اسکواش لیجنڈ جہانگیر خان اور سابق ڈی جی آئی ایس پی آر عاصم سلیم باجوہ بھی تقریب میں موجود ہیں جبکہ لاہور قلندر کے سی ای او عاطف رانا، سی او او ثمین رانا بھی تقریب میں پہنچے۔
شاہین آفریدی نے قومی ٹیم کے کھلاڑیوں کے ساتھ گروپ فوٹو بھی بنوایا۔
