بلاول کیخلاف نازیبا زبان، شیخ رشید کیخلاف ایک اور مقدمہ درج

حب: عوامی مسلم لیگ کے سربراہ شیخ رشید کے خلاف صدر تھانہ حب میں مقدمہ درج کرلیا گیا۔

عوامی مسلم لیگ کے سربراہ شیخ رشید کے خلاف چیئرمین پیپلزپارٹی بلاول بھٹو زرداری کے لیے نازیبا الفاظ کے استعمال پر پیپلزپارٹی کے کارکن نے مقدمہ درج کرایا۔

درخواست گزار نے کہا کہ شیخ رشید ملک میں امن و امان کو خراب کرنے اور خون ریزی کرانے کی سازش کررہا ہے، ان کے نازیبا الفاظ سے پاکستان پیپلز پارٹی اور عوام میں اشتعال پھیل گیا ہے۔

پولیس کے مطابق شیخ رشید کے خلاف 506۔504۔500۔186اور 153 کے تحت مقدمہ درج کیا گیا ہے۔

واضح رہے کہ شیخ رشید کے خلاف کراچی اور مری کے تھانوں میں بھی مقدمات درج کیے گئے ہیں۔

شیخ رشید نے اپنی کراچی منتقلی روکنے کیلئے ہائیکورٹ سے رجوع کرلیا

سیاسی بیان بازی کی بنا پر مزید مقدمات درج کرنے سے روکا جائے جب کہ آبپارہ ، مری اور کراچی کے مقدمات غیر قانونی قرار دےکر کالعدم قرار دیے جائیں: شیخ رشید

شیخ رشید کا کہنا ہے انہیں قتل کرنے کیلئے کراچی لے جایا جا رہا ہے: بھتیجا راشد شفیق

راشد شفیق کا دعویٰ ہے کہ شیخ رشید اس وقت اسلام آباد کے کسی تھانے میں موجود نہیں ہیں