05 فروری ، 2023 
پاکستان
فوٹو: فائل
شیخوپورہ میں خاتون کو برہنہ کرکے تشدد کرنے میں ملوث 5 ملزمان گرفتار
05 فروری ، 2023
شیخوپورہ کےعلاقے صفدرآباد میں خاتون کو بے لباس کرکے تشدد کے واقعے میں ملوث پانچ ملزمان کو گرفتار کرلیا گیا۔
ترجمان پولیس کے مطابق آر پی او شیخوپورہ کی سربراہی میں ٹیم نے خاتون کی فوٹیج سامنے آنے پر مرکزی ملزم زین کو گرفتار کرلیا بعد ازاں مرکزی ملزم کی نشاندہی پر دیگر ملزمان کو بھی گرفتار کر لیا گیا۔
پولیس کا کہنا ہے کہ ملزمان نے گھریلو تنازع پر متاثرہ خاتون کو اغوا کیا، ڈیرے پر لے جا کر انہیں بے لباس کرکے تشدد کا نشانہ بنایا گیا۔
پولیس کے مطابق متاثرہ خاتون کا خاوند ملک سے باہر ہے، ملزمان کو شبہ تھا کہ مثاثرہ خاتون کے خاوند ان کی بہن کو طلاق کا سبب بنا تھا۔
