10 فروری ، 2023 
پاکستان
پی ٹی آئی کی جانب سے ضمنی الیکشن 16کی بجائے اتوار 19 مارچ کو کرانے کی استدعا کی گئی تھی۔ فوٹو فائل
16 کی بجائے 19 مارچ کو ضمنی الیکشن نہیں کرا سکتے، الیکشن کمیشن کا پی ٹی آئی کو جواب
10 فروری ، 2023
الیکشن کمیشن نے پاکستان تحریک انصاف کی ضمنی الیکشن کی تاریخ آگے بڑھانے کی درخواست نمٹا دی۔
پی ٹی آئی کی جانب سے الیکشن کمیشن میں دائر درخواست میں استدعا کی گئی تھی کہ ضمنی الیکشن 16کی بجائے اتوار 19 مارچ کو کرائے جائیں۔
ذرائع کے مطابق الیکشن کمیشن نے پی ٹی آئی کی درخواست کا جائزہ لیکر مؤقف اپنایا کہ ہم 60 روز میں ضمنی الیکشن کرانے کے پابند ہیں۔
ذرائع کے مطابق الیکشن کمیشن نے کہا کہ ضمنی الیکشن 16 کی بجائے 19 مارچ کو نہیں ہو سکتا۔
ذرائع کا بتانا ہے کہ الیکشن کمیشن کی جانب سے صوبائی حکومتوں کو لکھا جائے گا ضمنی الیکشن کے روز 16 مارچ کو مقامی تعطیل کا اعلان کیا جائے۔
