وہ دلچسپ فلم جو آپ بار بار دیکھنے پر مجبور ہو جائیں گے

اگر آپ ذہنوں کو الجھا دینے والی فلمیں پسند کرتے ہیں تو 2017 کی یہ فلم ضرور پسند آئے گی جس کی کہانی بہت زیادہ منفرد ہے۔

ناظرین کی دلچسپی کے لیے اس منفرد کہانی کو سادہ اور دلچسپ انداز سے پردہ اسکرین پر پیش کیا گیا تھا۔

شروع سے آخر تک دیکھنے پر مجبور کردینے والی بہترین فلم

اس فلم میں منفرد سائنس فکشن تصور پیش کیا گیا مگر اس کے ساتھ ساتھ کہانی میں تجسس اور عام ناظرین کی دلچسپی کا بھی پورا خیال رکھا گیا۔

ڈائریکٹر کرسٹوفر لندن کی فلم ہیپی ڈیتھ ڈے 2017 میں ریلیز ہوئی تھی جس کی کہانی ٹائم لوپ کے گرد گھومتی ہے۔

ٹائم لوپ ایک ایسا تصور ہے جس کے مطابق کوئی فرد اس میں پھنس جائے تو اسے مخصوص وقت (جیسے چند منٹ، چند گھنٹے یا ایک دن) یا تجربے سے بار بار گزرنا پڑتا ہے۔

تو اس فلم میں ایک لڑکی ٹائم لوپ میں پھنس جاتی ہے اور ایک ہی دن بار بار گزارنے پر مجبور ہو جاتی ہے جس کے اختتام پر اسے قتل کر دیا جاتا ہے۔

اس ہارر/ تھرلر فلم میں ٹائم لوپ میں پھنسنے والی لڑکی کا کردار اداکارہ جیسیکا روتھ نے ادا کیا ہے۔

اس فلم کی تیاری پر محض 48 لاکھ ڈالرز خرچ ہوئے تھے مگر اس نے ساڑھے 12 کروڑ ڈالرز سے زیادہ کا بزنس کیا۔

پلاٹ

یونیورسٹی کی ایک طالبہ تھریسا ٹری Gelbman کی آنکھ اپنی سالگرہ کے دن ہوسٹل کے ایک ایسے کمرے میں کھلتی ہے جو اس کا اپنا نہیں ہوتا بلکہ ایک لڑکے کارٹر کا ہوتا ہے، جہاں وہ اپنے والد کی فون کال کو نظر انداز کرکے اپنے کمرے میں واپس جاتی ہے۔

وہاں اس کے ساتھ رہنے والی ایک لڑکی Lori Spengler اسے ایک کپ کیک دیتی ہے جسے تھریسا پھینک دیتی ہے۔

زندگی بدل دینے والی ان 20 بہترین فلموں کو آپ نے دیکھا ہے؟

ایسی فلموں کی تعداد کم نہیں جو لوگوں میں امید اور حوصلہ جگانے کا کام کرتی ہیں۔

رات کو ایک پارٹی میں شرکت کے لیے وہ ایک سرنگ سے گزرتی ہے تو اسے ایک ایسا فرد قتل کر دیتا ہے جس نے بے بی ماسک (ایک بچے کے چہرے والا ماسک) پہنا ہوا ہوتا ہے۔

مگر قتل ہوتے ہی اس کی آنکھ ایک بار پھر اپنی سالگرہ والی صبح میں کھلتی ہے اور اس بار وہ پارٹی میں جانے کے لیے سرنگ میں جانے سے گریز کرتی ہے، مگر پھر بھی وہ ماسک والا فرد اسے قتل کر دیتا ہے۔

اس لڑکی کی آنکھ پھر سالگرہ کی صبح کھلتی ہے تو اسے احساس ہوتا ہے کہ وہ ایک ٹائم لوپ میں پھنس گئی ہے۔

2022 کی وہ بہترین فلم جسے آپ کو ایک بار ضرور دیکھنا چاہیے

2022 میں لاتعداد فلمیں ریلیز ہوئیں مگر ایک فلم ایسی ہے جسے آپ کو ضرور دیکھنا چاہیے۔

ایسا بار بار ہوتا ہے اور ہر بار وہ مختلف انداز میں قتل ہوتی ہے، جبکہ اس کی کوشش ہوتی ہے کہ اپنے قاتل کو شناخت کرلے تاکہ اس چکر سے بچ سکے۔

مگر وہ کس طرح اس چکر سے باہر نکلتی ہے اور قاتل کون ہوتا ہے، یہ تجسس آپ کو اسکرین سے نظریں ہٹانے نہیں دے گا۔

اس فلم کی کہانی اتنی دلچسپ ہے جو ہوسکتا ہے آپ کو اسے بار بار دیکھنے پر مجبور کردے۔

چند دلچسپ حقائق

اس فلم کا اسکرپٹ 2007 میں تیار ہوگیا تھا اور پہلے اس کا نام ہاف ٹو ڈیتھ رکھا گیا تھا جبکہ اداکار بھی مختلف تھے، مگر پھر اسے مکمل نہیں کیا جاسکا۔

بعد ازاں اکتوبر 2016 میں اس فلم پر پھر کام شروع ہوا اور اس کا نام بدل کر ہیپی ڈیتھ ڈے رکھ دیا گیا جبکہ نئے ڈائریکٹر اور کاسٹ کی خدمات حاصل کی گئیں۔

فلم کے ڈائریکٹر نے بے بی ماسک اپنے دفتر میں پہن کر ایک ورکر کو ڈرایا اور پھر فلم میں قاتل کے ماسک کے لیے اس کا انتخاب کیا۔

جب ڈائریکٹر سے پوچھا گیا کہ بے بی ماسک کا انتخاب کیوں کیا تو ان کا کہنا تھا کہ وہ کالج کیمپس میں ایسا ماسک استعمال کرنا چاہتے تھے جو بیک وقت ڈرانے والا اور مزاحیہ محسوس ہو۔

فلم میں اس سوال کا جواب نہیں دیا گیا کہ تھریسا ٹائم لوپ میں کیوں پھنس جاتی ہے، یہ جواب فلم کے دوسرے حصے میں دیا گیا جو 2019 میں ریلیز ہوا۔