18 فروری ، 2023 
پاکستان
فوٹو: فائل
پرویز الہٰی آڈیو لیکس: سپریم کورٹ ججز کے اجلاس میں کوئی واضح جواب سامنے نہ آسکا
18 فروری ، 2023
سابق وزیراعلیٰ پنجاب پرویز الہٰی کی آڈیو لیکس کے معاملے پر سپریم کورٹ کے ججز کے غیر رسمی اجلاس میں کوئی واضح جواب سامنے نہ آسکا۔
ذرائع کے مطابق پرویز الہٰی کی آڈیو لیکس کے معاملے پر سپریم کورٹ کے ججز کا غیر رسمی اجلاس جمعے کو ہوا جس میں ایک جج کے سوا تمام ججز شریک ہوئے۔
ذرائع کا کہنا ہےکہ اجلاس میں پرویز الہٰی کی مبینہ آڈیو کے معاملے سے متعلق سوالات ہوئے۔
ذرائع نے بتایا ہےکہ ججز کا غیر رسمی اجلاس تقریباً ایک گھنٹےتک جاری رہا، مبینہ آڈیو لیکس کے معاملے پر غیر رسمی اجلاس میں کوئی واضح جواب سامنے نہ آسکا۔
