جسم میں کینسر کے تیزی سے پھیلنے کی اصل وجہ سائنسدانوں نے دریافت کرلی

سائنسدانوں نے جسم کے اندر کینسر کے پھیلنے کی بنیادی وجہ کو شناخت کر لیا ہے اور یہ دریافت مستقبل قریب میں اس جان لیوا مرض کے علاج میں مددگار ثابت ہوگی۔

امریکا کی اسٹینفورڈ یونیورسٹی کے ماہرین نے ایک تحقیق میں ڈی این اے کے ایسے حصوں کی نشاندہی کی ہے جو کینسر کو پھیلنے میں مدد فراہم کرتے ہیں۔

وہ عام عادت جسے اپنا کر آپ کینسر جیسے مرض کو خود سے دور رکھ سکتے ہیں

ایروبک ورزشوں کو عادت بناکر کینسر کے شکار ہونے کا خطرہ نمایاں حد تک کم کیا جاسکتا ہے۔

تحقیق میں بتایا گیا کہ ڈی این اے کے یہ ننھے حصے رسولی کو ادویات کے خلاف مزاحمت کرنے میں بھی مدد فراہم کرتے ہیں۔

ان حصوں کو ایکسٹرا کروموسومل ڈی این اے (ای سی ڈی این اے) کا نام دیا گیا ہے۔

محققین نے بتایا کہ ڈی این اے کے ان حصوں کی دریافت اہم ترین پیشرفت ہے اور ہمارا ماننا ہے کہ یہی حصے کینسر کی سنگین شدت کا باعث بنتے ہیں، اگر ہم ان کی سرگرمیوں کو بلاک کر دیں تو بیماری کو پھیلنے سے روکنا بھی ممکن ہو جائے گا۔

انڈا بناتے وقت وہ عام غلطی جو ہماری صحت کیلئے نقصان دہ ہوسکتی ہے

ایک انڈے میں کُل 74 کیلوریز ہوتی ہیں لیکن اس میں غذائی اجزاء بہت زیادہ ہوتے ہیں جس کے باعث یہ مکمل غذا سمجھی جاتی ہے، اور یہ وزن کم کرنے میں معاون ہے

محققین کے مطابق ہم نے دریافت کیا کہ ای سی ڈی این اے کینسر کا باعث بننے والے جینز کا کام کرتے ہیں جو کسی فرد کے کروموسوم سے خود کو الگ کر لیتے ہیں اور تباہی پھیلانے لگتے ہیں۔

تحقیق میں دریافت کیا گیا کہ ای سی ڈی این اے کے باعث رسولیوں کا پھیلاؤ غیر متوقع تیزی سے ہونے لگتا ہے یا بیماری ادویات کے خلاف مزاحمت کرنے لگتی ہے۔

محققین نے بتایا کہ اب ہم جان گئے ہیں کہ ایسا کیوں ہوتا ہے۔

کچھ افراد نیند کے دوران باتیں کیوں کرتے ہیں؟

اگرچہ نیند میں باتیں کرنے کی عادت بچوں میں زیادہ عام ہوتی ہے مگر ہر عمر کے افراد کے ساتھ ایسا ہوسکتا ہے۔

انہوں نے مزید بتایا کہ ادویات کے خلاف بیماری کی مزاحمت کے باعث کینسر کو ایک بار پھر سر اٹھانے کا موقع ملتا ہے۔

محققین نے توقع ظاہر کی کہ مسئلے کی وجہ معلوم ہونے کے بعد ایسا طریقہ کار تلاش کرنا آسان ہو جائے گا جس سے مریضوں میں ای سی ڈی این اے کو ختم کیا جا سکے۔