23 فروری ، 2023 
مائیکرو سافٹ کا اے آئی ٹیکنالوجی پر مبنی سرچ انجن موبائل صارفین کیلئے بھی متعارف
23 فروری ، 2023
ڈیسک ٹاپ پر آرٹی فیشل انٹیلی جنس (اے آئی) ٹیکنالوجی پر مبنی بنگ چیٹ بوٹ کو متعارف کرانے کے 2 ہفتے بعد مائیکرو سافٹ نے موبائل ڈیوائسز اور اسکائپ میں بھی ان فیچرز کا اضافہ کر دیا ہے۔
مائیکرو سافٹ کی جانب سے اینڈرائیڈ اور آئی او ایس کے لیے بنگ سرچ انجن کی ایپ میں اے آئی ٹیکنالوجی پر مبنی چیٹ بوٹ کے فیچرز کا اضافہ کیا گیا ہے۔
خیال رہے کہ مائیکرو سافٹ کا یہ اے آئی چیٹ بوٹ حالیہ مہینوں میں وائرل ہونے والے چیٹ جی پی ٹی پر مبنی ہے۔
موبائل ڈیوائسز پر بنگ سرچ انجن میں موجود یہ چیٹ بوٹ محدود پریویو کے لیے دستیاب ہے۔
جن صارفین کو پریویو کے لیے مدعو کیا جائے گا وہ ایپ میں بنگ بٹن کو کلک کرکے چیٹ بوٹ سے بات کر سکیں گے۔
موبائل ایپس میں جملے تحریر کرکے بات کرنے کے ساتھ ساتھ مائیکرو فون سے بھی چیٹ بوٹ کو استعمال کرنا ممکن ہوگا۔
اسی طرح کے فیچرز آئی او ایس اور اینڈرائیڈ پر مائیکرو سافٹ کے براؤزر ایج کی ایپ پر بھی متعارف کرائے گئے ہیں۔
اسکائپ کو استعمال کرنے والے صارفین ہر پلیٹ فارم پر بنگ کے نئے اے آئی فیچرز تک رسائی حاصل کر سکیں گے۔
اسکائپ میں چیٹ بوٹ کو 100 سے زائد زبانوں میں استعمال کرنا ممکن ہوگا۔
مائیکرو سافٹ کا اے آئی چیٹ بوٹ صارفین کے سوالات کا جواب دیتا ہے اور پیچیدہ موضوعات کی وضاحت آسان الفاظ میں کرتا ہے جبکہ دیگر متعدد کاموں کے لیے بھی اسے استعمال کیا جا سکتا ہے۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
