24 فروری ، 2023 
وہ منفرد قصبہ جس کی تمام آبادی ایک عمارت میں مقیم ہے
24 فروری ، 2023
کیا آپ کو معلوم ہے کہ قصبے کی تعریف کیا ہے؟
ایک ایسا علاقہ جو گاؤں سے بڑا اور شہر سے چھوٹا ہو وہ قصبہ کہلاتا ہے۔
دنیا بھر میں ہزاروں قصبے ہیں مگر کوئی بھی امریکی ریاست الاسکا کے Whittier جیسا نہیں۔
اس کی انفرادیت یہ ہے کہ یہاں کے تمام رہائشی ایک ہی چھت کے نیچے مقیم ہیں۔
جی ہاں واقعی لگ بھگ 300 افراد کی آبادی پر مشتمل اس قصبے کے 85 فیصد رہائشی ایک 14 منزلہ عمارت میں مقیم ہیں۔
اسی عمارت میں پوسٹ آفس، پولیس اسٹیشن اور کریانے کی دکانیں موجود ہیں۔
اس قصبے تک رسائی بھی کافی مشکل ہے اور عموماً کشتی یا ایک سرنگ کے ذریعے وہاں پہنچنا ممکن ہوتا ہے۔
اس رہائشی عمارت کی تعمیر 1974 میں ہوئی تھی اور یہ بنیادی طور پر سرد جنگ کے عہد کی ایک فوجی بیرک ہے۔
تو یہاں کے سب رہائشی ایک ہی عمارت میں کیوں رہتے ہیں؟
اس قصبے کے 97 فیصد رقبے کی ملکیت الاسکا ریل روڈ کے پاس ہے اور اسی وجہ سے وہاں کوئی بھی گھر تعمیر نہیں ہو سکا۔
وہاں کے رہائشیوں کے مطابق اس عمارت کی تعمیر اس لیے ہوئی تاکہ رہائشیوں کو باہر نکلنے کی ضرورت ہی نہ ہو اور ہر چیز انہیں ایک چھت کے نیچے مل جائے۔
یہاں تک کہ ایک چرچ بھی عمارت کے تہہ خانے میں موجود ہے۔
اگر اس قصبے میں باہر سے کوئی آتا ہے تو اسے بھی رہنے کے لیے اسی عمارت کا رخ کرنا ہوتا ہے۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
