پنجاب حکومت کا پی ایس ایل کی سکیورٹی کیلئے 50 کروڑ روپے دینے سے انکار

پنجاب حکومت نے پاکستان سپر لیگ (پی ایس ایل) کی سکیورٹی کیلئے سرکاری خزانے سے  50 کروڑ روپے دینے سے انکار کردیا۔

پی ایس ایل میچز کی پنجاب سے منتقلی کا معاملہ، پی سی بی نے پنجاب حکومت کو الٹی میٹم دیدیا

پنجاب حکومت نے 45 کروڑ کے اخراجات کا مطالبہ واپس نہ لیا تو پی ایس ایل کے میچز کراچی منتقل ہوں گے: ذرائع

نگران وزیراعلیٰ پنجاب محسن نقوی کی سربراہی میں پنجاب کابینہ کے اجلاس میں ہونے والے اس فیصلے سے پی سی بی کو آگاہ کردیاگيا ہے۔

ذرائع‏ کے مطابق پنجاب حکومت کی جانب سے پی سی بی پر واضح کردیا گیا ہے کہ پنجاب حکومت تب انتظامات کرے گی جب پی سی بی 25 کروڑ روپے ادا کرےگا۔

ذرائع کے مطابق کابینہ میں مؤقف اپنایا گیا کہ پنجاب حکومت اب تک پی ایس ایل میچز کے انتظامات پر 45 کروڑ روپے لگا چکی ہے۔ 

پی ایس ایل میچز کی لاہور سے ممکنہ منتقلی کے معاملے پر شاہین کا ردعمل

میچز کی منتقلی سے فینز کو مایوسی ہو گی، امید ہے میچز کی منتقلی کا معاملہ جلد حل ہو جائے گا : کپتان لاہور قلندرز

خیال رہے کہ پی سی بی کہہ چکا ہے کہ اگر پنجاب حکومت نے اخراجات ادا کرنے کا مطالبہ واپس نہ لیا تو  پی ایس ایل کے لاہور اور پنڈی میں شیڈول میچز کراچی میں ہوں گے۔