محمد خان بھٹی کا بلوچستان میں 8 مارچ تک ریمانڈ منظور

سابق وزیراعلیٰ پنجاب پرویز الٰہی کے سابق پرنسپل سیکرٹری محمد خان بھٹی کا بلوچستان میں 8 مارچ تک ریمانڈ منظور کرلیا گیا۔

ترجمان اینٹی کرپشن کے مطابق محمدخان بھٹی کا کوئٹہ کی مقامی عدالت نے ریمانڈ منظور کیا۔

پرویز الٰہی کے سابق پرنسپل سیکرٹری محمد خان بھٹی کو اینٹی کرپشن نے پکڑ لیا

محمدخان بھٹی بلوچستان میں سرحدعبورکرکے فرار ہوتے ہوئے پکڑے گئے اور وہ اس وقت کوئٹہ پولیس کی تحویل میں ہیں: ڈی جی اینٹی کرپشن

ترجمان اینٹی کرپشن نے بتایا کہ محمدخان بھٹی کو گزشتہ روز بلوچستان پولیس نے گرفتار کیا تھا، محمد خان بھٹی تفتان بارڈر سے سرحد عبور کرتے ہوئے پکڑے گئے تھے۔

ترجمان اینٹی کرپشن نے بتایا کہ عدالت نے محمد خان بھٹی کو 8 مارچ تک بلوچستان پولیس کے حوالے کیا۔

ترجمان کا کہنا ہے کہ ریمانڈ ختم ہونے کے بعد اینٹی کرپشن پنجاب راہداری ریمانڈ کی درخواست دے گا، راہداری ریمانڈ ملنے کے بعد محمد خان بھٹی کوپنجاب لایا جائے گا۔