05 مارچ ، 2023 
فیس بک میں خاموشی سے کئی نئے فیچرز کا اضافہ
05 مارچ ، 2023
دنیا کے مقبول ترین سوشل میڈیا نیٹ ورک فیس بک میں خاموشی سے کئی نئے فیچرز کا اضافہ کر دیا گیا ہے۔
میٹا کی جانب سے فیس بک میں مختصر ویڈیوز کے سیکشن ریلز کے حوالے سے کئی نئے فیچرز متعارف کرائے گئے ہیں۔
کمپنی کی جانب سے فیس بک میں ریلز کے دورانیے کو بڑھا دیا گیا ہے۔
اب صارفین 60 سیکنڈ کی بجائے 90 سیکنڈ کی ویڈیو ریلز میں پوسٹ کر سکیں گے۔
انسٹاگرام میں جولائی 2022 میں ریلز کا دورانیہ 90 سیکنڈ کر دیا گیا تھا اور اب فیس بک میں ایسا کیا گیا ہے۔
اسی طرح انسٹاگرام کے بعد اب فیس بک ریلز کے لیے بھی کسی گانے سے ویڈیو کو sync کرنے کا فیچر Grooves متعارف کرا دیا گیا ہے۔
کمپنی کے مطابق اس فیچر کے لیے visual beat technology کو استعمال کیا گیا ہے۔
ایک اور فیچر میموریز سے ریلز تیار کرنے کا ہے جبکہ صارفین ٹرینڈنگ ٹیمپلیٹس کو بھی ریلز ویڈیوز کے لیے استعمال کر سکیں گے۔
میٹا نے بتایا کہ ریلز ویڈیوز کی مقبولیت میں بہت تیزی سے اضافہ ہو رہا ہے اور ان کو دیکھنے والوں کی تعداد میں ایک سال کے دوران دوگنا اضافہ ہوا ہے۔
مزید خبریں :
دنیا کا پہلا لکڑی سے بنا سیٹلائیٹ خلا میں بھیج دیا گیا
05 نومبر ، 2024
ایکس کے بلاک فیچر میں متنازع تبدیلی کو متعارف کرا دیا گیا
05 نومبر ، 2024
مائیکرو سافٹ نے ونڈوز 11 کیلئے ونڈوز ہیلو کو ری ڈیزائن کر دیا
04 نومبر ، 2024
فون یا کمپیوٹر پر جی میل کی ای میلز شیڈول کرنے کا طریقہ جانیں
04 نومبر ، 2024
انسٹا گرام کا ڈائریکٹ میسجز کو اپ گریڈ کرنے کا فیصلہ
03 نومبر ، 2024
گوگل میپس میں نئے اے آئی فیچرز کا اضافہ
03 نومبر ، 2024
