07 مارچ ، 2023 
بیکٹریا کا نام خود پر رکھے جانے پر کیانو ریوز کا ردعمل سامنے آگیا
07 مارچ ، 2023
ہالی وڈ اداکار کیانو ریوز کا فلمی کردار جان وک قتل کرنے میں اتنی مہارت رکھتا ہے کہ اس سے متاثر ہوکر سائنسدانوں نے ایک نئے بیکٹریا کا نام اداکار کے نام پر رکھ دیا ہے۔
جرمنی کے Leibniz انسٹیٹیوٹ نے گزشتہ دنوں ایک نئے بیکٹریا کا نام کیانو ریوز کے نام پر رکھنے کا اعلان کیا تھا۔
دلچسپ بات یہ ہے کہ اداکار کو اس کا علم سوشل میڈیا پلیٹ فارم پر مداحوں سے بات چیت کرتے ہوئے ہوا۔
اپنی نئی فلم جان وک 4 کی تشہیر کے موقع پر کیانو ریوز نے سوشل میڈیا پلیٹ فارم ریڈیٹ پر مداحوں کے سوالات کے جواب دیے۔
اس موقع پر انہیں معلوم ہوا کہ ایک بیکٹریا کا نام ان کے نام پر keanumycins رکھا گیا ہے۔
انہیں ایک مداح نے اس بارے میں بتایا تو کیانو ریوز یہ سن کر حیران نظر آئے۔
انہوں نے اپنے جواب میں کہا کہ 'انہیں اس بیکٹریا کا نام جان وک پر رکھنا چاہیے تھا مگر یہ بھی میرے لیے اعزاز ہے، سائنسدانوں کا شکریہ'۔
سائنسدانوں نے اس بیکٹریا کا نام رکھتے ہوئے کہا تھا کہ اس سے تیار ہونے والے مرکبات فنگس کو ختم کرنے کے لیے اتنے زیادہ مؤثر ہیں جتنے کیانو ریوز کے جان لیوا کردار۔
خیال رہے کہ جان وک سیریز کی 3 فلمیں ریلیز ہوچکی ہیں اور جان وک : چیپٹر 4 کی ریلیز کورونا وائرس کی وبا کی وجہ سے التوا کا شکار رہی تھی۔
اب اس فلم کو 24 مارچ 2023 کو دنیا بھر میں ریلیز کیا جا رہا ہے۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
