08 مارچ ، 2023 
ویڈیو: کیا آپ نے ’کہانی سنو‘ کا چاہت فتح علی خان ورژن سنا ہے؟
08 مارچ ، 2023
کیفی خلیل کا سپر ہٹ گانا کہانی سنو ، جو 2021 میں ریلیز ہوا تھا، ان دنوں موسیقی سے لگاؤ رکھنے والوں میں کافی مقبول ہے اور یوٹیوب پر اسے اب تک 13 کروڑ سے زائد بار دیکھا جا چکا ہے۔
کیفی خلیل کے اس گیت کی مقبولیت نے دیگر گلوکاروں کو بھی اس گانے کو اپنی آواز میں گانے پر مجبور کیا جن میں پاکستانی گلوکارہ آئمہ بیگ اور ڈچ گلوکارہ ایما ہیسٹرز نمایاں ہیں۔
لیکن اب سوشل میڈیا پر مشہور ایک اور موسیقار و گلوکار چاہت فتح علی خان نے بھی اس گانے پر طبع آزمائی کی ہے اور اس گانے کا اپنا ورژن پیش کیا ہے۔
چاہت فتح علی خان اس سے قبل کئی اور دیگر گانوں کے اپنے ورژن پیش کرچکے ہیں جن سے ان کے چاہنے والے کافی لطف اندوز ہوتے رہے ہیں۔ حال ہی میں انہوں نے پاکستان سپر لیگ 8 کا اپنا اینتھم بھی جاری کیا تھا جو سوشل میڈیا پر کافی وائرل ہوا تھا۔
چاہت فتح علی خان کے کہانی سنو ورژن کا بھی سوشل میڈیا صارفین نے خیر مقدم کیا ہے جبکہ کچھ لوگوں نے انہیں ٹرول بھی کیا ہے۔
خیال رہے کہ چاہت فتح علی خان کا اصل نام کاشف رانا ہے اور وہ ان دنوں برطانیہ میں مقیم ہیں۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
