12 مارچ ، 2023 
ٹوتھ برش کو کتنے عرصے بعد بدلنا بہتر ہوتا ہے؟
12 مارچ ، 2023
دانتوں کی صفائی کے لیے ٹوتھ برش کا استعمال تو سب ہی کرتے ہیں۔
مگر کیا کبھی آپ نے سوچا کہ ایک ٹوتھ برش کو کتنے عرصے تک استعمال کرنے کے بعد بدل دینا چاہیے؟
ویسے تو آپ ایک ٹوتھ برش کو لمبے عرصے تک بھی استعمال کر سکتے ہیں مگر اس سے دانتوں یا مسوڑوں کے مسائل کا خطرہ بڑھتا ہے۔
امریکن ڈینٹل ایسوسی ایشن (اے ڈی اے) کے مطابق عمر بڑھنے کے ساتھ دانتوں کی فرسودگی اور مسوڑوں کے امراض کا امکان بڑھتا ہے، مگر ان کی روک تھام آسانی سے ممکن ہے۔
اے ڈی اے کی سفارشات میں بتایا گیا ہے کہ ٹوتھ برش کو ہر 3 سے 4 ماہ بعد بدل دینا چاہیے۔
اگر اس کے بال یا ریشے خراب ہو رہے ہیں تو اس سے پہلے بھی ٹوتھ برش کو بدلنا بہتر ہوتا ہے۔
درحقیقت آپ بال دیکھ کر بھی جان سکتے ہیں کہ کسی ٹوتھ برش کی شیلف لائف پوری ہوگئی ہے یا نہیں۔
ٹوتھ برش کے بالوں کے سرے اگر خراب ہو رہے ہوں تو یہ اس بات کی نشانی ہوتا ہے کہ اب اسے بدل دینا چاہیے۔
کچھ ٹوتھ برش کے بالوں کے درمیان ایک رنگین پٹی (عموماً نیلے رنگ کی) ہوتی ہے، اگر اس کی رنگت ماند پڑنے لگے تو یہ بھی برش بدلنے کی نشانی ہوتی ہے۔
ماہرین نے بتایا کہ اگر ٹوتھ برش کو لمبے عرصے تک استعمال کیا جائے تو مسوڑوں کے امراض، دانتوں کے مسائل اور دیگر انفیکشنز کا خطرہ بڑھتا ہے۔
نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔
مزید خبریں :
کیا زیادہ پانی پینے سے صحت کو فائدہ ہوتا ہے؟
2 گھنٹے پہلے
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
