عمر بڑھنے کے ساتھ دماغ کو امراض سے محفوظ رکھنے کا آسان طریقہ

عمر میں اضافے کے ساتھ دماغی تنزلی کا باعث بننے والے مرض ڈیمینشیا کا خطرہ بڑھ جاتا ہے۔

ڈیمینشیا ایسا مرض ہے جس کا ابھی کوئی علاج موجود نہیں مگر ایک مخصوص غذا کے استعمال کو عادت بناکر اس سے خود کو بچانا ممکن ہے۔

عمر بڑھنے کے ساتھ یادداشت کو بہتر بنانے میں مددگار آسان عادات

چند عام عادات کے ذریعے آپ یادداشت کی تنزلی اور ڈیمینشیا جیسے مرض کا خطرہ کم کرسکتے ہیں۔

یہ بات برطانیہ میں ہونے والی ایک طبی تحقیق میں سامنے آئی۔

ایکسٹر یونیورسٹی کی تحقیق میں بتایا گیا کہ گریوں، مچھلی، سالم اناج، پھلوں اور سبزیوں پر مشتمل غذا کا زیادہ استعمال ڈیمینشیا سے متاثر ہونے کا خطرہ نمایاں حد تک کم کر دیتا ہے۔

تحقیق میں دریافت کیا گیا کہ نباتاتی ذرائع پر مبنی غذائیں ڈیمینشیا سے تحفظ فراہم کرتی ہیں۔

سردرد اور مائیگرین سے نجات کے لیے یہ آسان طریقے آزمائیں

کچھ مشروبات سے بھی آپ مائیگرین یا عام سردرد کی شدت کو کم کرسکتے ہیں۔

اس طرح کی غذا کو Mediterranean ڈائٹ کہا جاتا ہے۔

اسپین، یونان، اٹلی اور فرانس جیسے ممالک کے شہریوں کی یہ عام غذا پھلوں، سبزیوں، اجناس، گریوں، مچھلی، زیتون کے تیل وغیرہ پر مشتمل ہوتی ہے (سرخ گوشت کا استعمال بہت کم کیا جاتا ہے) جس کو مختلف امراض جیسے امراض قلب، ذیابیطس اور موٹاپے کی روک تھام کے لیے بہترین قرار دیا جاتا ہے۔

محققین نے بتایا کہ اس غذا سے ایسے افراد کو بھی ڈیمینشیا سے تحفظ ملتا ہے جن میں اس بیماری کا جینیاتی خطرہ زیادہ ہوتا ہے۔

وہ غذا جو جسمانی وزن میں اضافے کے ساتھ ساتھ دماغ کیلئے بھی نقصان دہ

زیادہ چربی والی غذا، ذیابیطس اور دماغی تنزلی کے درمیان واضح تعلق دریافت کیا گیا۔

انہوں نے کہا کہ اس سے عندیہ ملتا ہے کہ طرز زندگی کے انتخاب کس طرح امراض سے تحفظ فراہم کر سکتے ہیں۔

اس تحقیق کے لیے 60 ہزار سے زیادہ افراد کا ڈیٹا آن لائن ڈیٹا بیس یو کے بائیو بینک سے حاصل کرکے ان کی طبی اور طرز زندگی کے عناصر کا تجزیہ کیا گیا۔

نتائج سے معلوم ہوا کہ جو افراد پھلوں، سبزیوں، سالم اناج اور مچھلی وغیرہ کا زیادہ استعمال کرتے ہیں، ان میں ڈیمینشیا سے متاثر ہونے کا خطرہ 23 فیصد تک کم ہو جاتا ہے۔

اس تحقیق کے نتائج جرنل بی ایم سی میڈیسن میں شائع ہوئے۔