’Rest in Peace‘ پاکستان ٹیم ، راشد لطیف سینئر کھلاڑیوں کو آرام دینے پر برہم

پاکستان ٹیم کے سابق وکٹ کیپر  راشد لطیف نے افغانستان کے خلاف اسکواڈ کے اعلان اور سینئر کھلاڑیوں کو آرام دینے کے پاکستان کرکٹ بورڈ کے فیصلے پر تنقید کی ہے۔

ڈاکٹر نعمان نیاز کو دیے گئے ڈیجیٹل انٹرویو میں راشد لطیف نے برہمی کا اظہار کرتے ہوئے کہا کہ  سینئر کھلاڑیوں کو آرام دینے کا فیصلہ میرے نزدیک  پاکستان ٹیم کی تباہی کیلئے   پہلا قدم ہے۔

انہوں نے کہا کہ ہمارے پلیئر بڑے عرصے کے بعد آئی سی سی کی رینکنگ میں آنے لگے تھے، بابر اعظم آئی سی سی کے بہترین پلیئر بنے، شاہین شاہ آفریدی آئی سی سی کے بہترین بولر بنے ، بابر اعظم کو سرگار فیلڈ سوبرز ایوارڈز سے نوازا گیا، وہ  دنیا کے بہترین بیٹسمین بننے لگے تو مینجمنٹ کمیٹی نے کہا کہ اب ہم لوگ آگئے ہیں اب ایسا نہیں ہوگا، اب جو کریں گے ہم اپنی مرضی سے کریں گے  ۔

سابق کرکٹر نے کہا کہ جو  لوگ خود 70، 80 سال کے ہوگئے ہیں ان کو زندگی میں کبھی ریسٹ نہیں ملا، ان کو ریسٹ ملنا چاہیے لیکن اب وہ پاکستان کرکٹ کی قسمت کا فیصلہ کررہے ہیں، ٹھیک ہے کرلیں، اس صورتحال میں کہا جاسکتا ہے کہ  پاکستان ریسٹ ان پیس۔

دوسری جانب افغانستان کے خلاف ٹی ٹوئنٹی سیریز کے حوالے سے بات کرتے ہوئے راشد لطیف کا کہنا تھا کہ ہار جیت کا فیصلہ ابھی نہیں کیا جاسکتا، بس اتنا کہوں گا جو غلطی بھارت نے کی کہ نئے پرفارم کرنے والے لڑکوں کو ہائر کیا یہ صورتحال ٹیم کو توڑتی ہے، اگرچہ کچھ پلیئر اچھا پرفارم کرسکتے ہیں لیکن کیا وہ ٹیم میں ٹھہریں گے؟ اس کے بعد کن لڑکوں کو رکھا جائے گا کن کو نہیں ؟ میرے خیال سے یہ ٹیم کو تباہ کرنے کا پہلا قدم ہے۔

’ آرام ‘ پانے والوں کا شاداب کو کپتانی کی مبارکباد دینے سے گریز

حیران کن طور پر 4 کھلاڑیوں کی جانب سے شاداب خان کو پہلی بار کپتان بننے پر مبارک باد نہیں دی گئی، روٹی گروپ بھی خاموش ہے۔

شاداب افغانستان کیخلاف سیریز میں کھلاڑیوں کو آرام دیے جانے کے امکان سے لا علم نکلے

گزشتہ دنوں ذرائع نے یہ دعویٰ کیا تھا کہ افغانستان کےخلاف ٹی ٹوئنٹی سیریز میں کپتان بابراعظم اور وکٹ کیپر محمد رضوان کو آرام دیے جانےکا امکان ہے