مسلسل غیر حاضری پر یوٹیوبر کی جاپانی پارلیمان کی رکنیت ختم کر دی گئی

جاپان میں ایک یوٹیوبر کو مسلسل غیر حاضری پر رکن پارلیمان کی حیثیت سے فارغ کر دیا گیا۔

15 مارچ کو جاپانی پارلیمان کے ایوان بالا نے یوشی کازو ہیگاشیٹنی نامی یوٹیوبر کی رکنیت مسلسل غیر حاضری پر ختم کر دی۔

وہ جگہ جہاں شوہر شادی کے بعد بیوی کے گھر منتقل ہوتا ہے

اس جگہ کی خواتین خواتین زندگی کے ہر معاملے کو کنٹرول کرتی ہیں۔

یہ 7 دہائیوں میں پہلی بار ہے جب جاپانی پارلیمان کی جانب سے اسے طرح کا اقدام کیا گیا۔

یوشی کازو کو یوٹیوب پر معروف شخصیات کے حوالے سے ویڈیوز کی وجہ سے جانا جاتا ہے۔

انہیں جولائی 2022 کو جاپانی سینیٹ کا رکن منتخب کیا گیا تھا۔

مگر انہوں نے ایوان بالا کے اسپیکر کی جانب سے مدعو کیے جانے پر کوئی جواب نہیں دیا تھا اور جولائی 2022 سے 8 مارچ 2023 تک سینیٹ کے اجلاس سے غیر حاضر رہے۔

جاپانی پارلیمانی قوانین کے تحت پارلیمان کے اراکین کے لیے اجلاس میں شرکت کرنا ضروری ہے۔

مگر یوشی کازو طویل عرصے سے جاپان سے باہر ہیں کیونکہ انہیں ڈر ہے کہ جاپان واپسی پر انہیں گرفتار کرلیا جائے گا۔

کیا آپ کو گاڑیوں میں موجود اس کلپ کا مقصد معلوم ہے؟

بیشتر افراد کو گاڑی کے اندر چھپے چند حیرت انگیز فیچرز کا مقصد ہی معلوم نہیں ہوتا۔

ان کے خلاف جاپان میں یوٹیوب ویڈیوز کی وجہ سے کافی مقدمات دائر ہیں۔

یہی وجہ ہے کہ 14 مارچ کو ایوان بالا کی ڈسپلنری کمیٹی نے متفقہ طور پر ان کی رکنیت ختم کرنے کی قرارداد پاس کی جس کے بعد سینٹ نے بھی اس کی توثیق کر دی۔

یہ جاپان کے موجودہ آئین کے تحت تیسری بار ہے جب کسی پارلیمان کے رکن کی رکنیت ختم کی گئی اور ایسا 72 سال بعد پہلی بار ہوا۔