کس لیجنڈ بھارتی اداکار کی بیٹی نے شاہد کپور کو شوہر کہنا شروع کردیا تھا؟

کیرئیر کے آغاز میں بالی وڈ کے’چاکلیٹی بوائے‘ اداکار شاہد کپور کا جادو سر چڑہ کر بول رہا تھا اور ایک بھارتی لیجنڈری اداکار کی بیٹی بھی خود کو ان کے سحر میں گرفتار ہونے سے نہ بچا سکی تھی۔

شاہد کپور کے وجاہت پر فدا ہوکر بھارتی اداکار کی بیٹی نے خود کو شاہد کپور کی بیوی کہلوانا شروع کر دیا تھا۔

لیجنڈ بھارتی اداکار راج کمار کی بیٹی واستویکتا پنڈت کی شاہد کپور سے پہلی ملاقات ان کے فلمی کیرئیر سے قبل ایک ڈانس اسکول میں ہوئی تھی جہاں وہ اداکار کے سحر میں گرفتار ہو گئی تھیں۔

لوگوں سے خود کو ’کیوٹ‘ سننا کبھی اچھا نہیں لگا: شاہد کپور

میرا خیال ہے کہ لفظ ’ کیوٹ ‘ بہت محدود ہے : بھارتی اداکار کی میڈیا سے گفتگو

شاہد کپور کی جانب سے مثبت جواب نہ ملنے پر واستویکتا پنڈت نے ہر جگہ شاہد کپور کا پیچھا کرنا شروع کر دیا، فلم سیٹ، آؤٹ ڈور شوٹ یہاں تک کہ انہوں نے شاہد کپور کے گھر کے ساتھ ایک گھر لیکر وہاں رہنا شروع کر دیا اور علاقہ مکینوں کو بتایا کہ وہ شاہد کپور کی بیوی ہیں۔

اسٹار کڈ واستویکتا پنڈت کے رویے سے تنگ آکر اداکار شاہد کپور  ان کے خلاف پولیس میں شکایت درج کروانے پر مجبور ہو گئے تھے۔

اداکار راجکمار کی بیٹی واستویکتا پنڈت بھی فلم انڈسٹری میں اپنی قسمت آزما چکی ہیں،  انہوں نے 1996 میں فلم انڈسٹری میں قدم رکھا لیکن ان کی پہلی ہی فلم بہت بڑی فلاپ ثابت ہوئی اور ان کا کیرئیر آگے نہیں بڑھ سکا۔