Election 2024 Election 2024

ٹک ٹاک کا نیا فیچر جو اس ایپ کے استعمال کا تجربہ بدل دے گا

ایک بلاگ پوسٹ میں کمپنی کی جانب سے اس فیچر کا اعلان کیا گیا / فوٹو بشکریہ ٹک ٹاک
ایک بلاگ پوسٹ میں کمپنی کی جانب سے اس فیچر کا اعلان کیا گیا / فوٹو بشکریہ ٹک ٹاک

سوشل میڈیا ایپ ٹک ٹاک میں ایک ایسی تبدیلی متعارف کرائی گئی ہے جو اس کے استعمال کا تجربہ بدل کر رکھ دے گی۔

کمپنی کی جانب ایک بلاگ پوسٹ میں بتایا گیا کہ اب صارفین اپنی فار یو فیڈ کو ری سیٹ یا ریفریش کر سکتے ہیں۔

ٹک ٹاک میں فار یو وہ فیڈ ہے جہاں ایپ کے الگورتھم کی جانب سے ویڈیوز ریکومینڈ کی جاتی ہیں اور عموماً ایسا صارف کی دلچسپی اور دیکھنے کی عادات کو مدنظر رکھ کر کیا جاتا ہے۔

بلاگ پوسٹ کے مطابق جب صارف کی جانب سے فار یو فیڈ کو ری سیٹ کیا جائے گا تو اس فیچر کے استعمال سے ویڈیو مواد ایسا ہو جائے گا جیسے وہ پہلی بار ٹک ٹاک پر سائن ان ہوا ہے۔

کمپنی نے بتایا کہ یہ فیچر ایسے افراد کے لیے کارآمد ثابت ہوگا جو ریکومینڈ پوسٹس کو بیزار کن تصور کرتے ہیں۔

اس فیچر کو ان ایبل کرنے سے فالوونگ فیڈ، پروفائل اور ان باکس پر اثرات مرتب نہیں ہوں گے۔

صارف اس فیچر کے لیے مواد کا انتخاب مخصوص ہیش ٹیگز یا جملوں کے ذریعے بھی کر سکے گا۔

فیچر کو استعمال کرنے کا طریقہ

اس فیچر کو استعمال کرنے کا طریقہ بھی کافی آسان ہے۔

اس مقصد کے لیے ٹک ٹاک اوپن کرکے سیٹنگز میں جائیں اور وہاں content preferences پر کلک کریں۔

اس سیکشن میں ریفریش یور فار یو فیڈ آپشن کو سلیکٹ کریں اور ریفریش بٹن پر کلک کریں۔