17 مارچ ، 2023 
پاکستان
عدالتی حکم پر پنجاب حکومت اور تحریک انصاف کے درمیان معاہدہ طے پایا تھا— فوٹو: فائل
پنجاب حکومت اورپی ٹی آئی کا معاہدہ، تاریخیں اور دن غلط درج کیا گیا
17 مارچ ، 2023
پنجاب حکومت اور تحریک انصاف کے درمیان ہونے والے معاہدے میں تاریخیں اور دن غلط درج کردیا گیا۔
معاہدہ میں لکھا گیا کہ تحریک انصاف کا 20 مارچ بروز اتوار کا شیڈول جلسہ منسوخ ہوگیا تاہم تحریک انصاف نے جلسہ اتوار کو تجویز کیا تھا جس کی تاریخ 19 مارچ ہونی چاہیے تھی۔
معاہدہ کے تحت جلسہ کو پیر کو شیڈول کیا گیا لیکن تاریخ 20 مارچ کے بجائے 21 لکھی گئی۔
خیال رہے کہ عدالتی حکم پر پنجاب حکومت اور تحریک انصاف کے درمیان معاہدہ طے پایا تھا۔
معاہدے کے تحت تحریک انصاف وارنٹس کی تکمیل اور سرچ وارنٹس کے لیے پولیس کے ساتھ تعاون کرے گی، پی ٹی آئی 14 اور 15 مارچ کو درج ہونے والے مقدمات کی تفتیش میں تعاون کرے گی۔
