20 مارچ ، 2023 
پاکستان
فوٹو: فائل
لاہور پولیس نے پی ٹی آئی قائدین اورکارکنوں کیخلاف کریک ڈاؤن روک دیا
20 مارچ ، 2023
لاہور پولیس نے پاکستان تحریک انصاف (پی ٹی آئی) کے قائدین اورکارکنوں کے خلاف کریک ڈاؤن روک دیا۔
پولیس ذرائع کےمطابق زمان پارک میں پولیس پر پیٹرول بم حملوں اور پتھراؤ میں ملوث پی ٹی آئی قائدین اور کارکنوں کے خلاف کریک ڈاؤن شروع کیا گیا تھا۔
پولیس ذرائع کا کہنا ہےکہ پی ٹی آئی کے 100 سے زائد کارکنوں اور قائدین کی فہرستیں بھی متعلقہ پولیس اسٹیشنز کو فراہم کردی گئی تھیں، تاہم رات گئے پولیس حکام نے وائرلیس میسج کے ذریعے کریک ڈاؤن روکنےکے احکامات جاری کیے۔
پولیس ذرائع کے مطابق چند پی ٹی آئی کارکنوں کو حراست میں لیا گیا ہے جن کی رہائی کے متعلق ابھی کوئی فیصلہ نہیں کیا گیا۔
