واٹس ایپ میں ایسا فیچر متعارف جو پہلی بار دیکھنے میں آیا ہے

20 مارچ ، 2023

یہ فیچر آئی او ایس ڈیوائسز کے لیے متعارف کرایا گیا ہے / فائل فوٹو

اگر آپ آئی فون میں واٹس ایپ استعمال کرتے ہیں تو میٹا کی زیرملکیت میسنجر میں متعارف کرائے گئے ایک نئے فیچر کو استعمال کر سکتے ہیں۔

واٹس ایپ نے گزشتہ دنوں آئی فون صارفین کے لیے پکچر ان پکچر ویڈیو کالز کا فیچر متعارف کرایا تھا۔

یہ بھی پڑھیں

اب اس کمپنی نے ایک اور نیا فیچر آئی او ایس ڈیوائسز کے لیے متعارف کرایا ہے جو اینڈرائیڈ صارفین کو دستیاب نہیں ہوگا۔

یہ ایسا فیچر ہے جو ابھی گوگل لینس میں دیکھنے میں آتا ہے جس کی مدد سے کسی تصویر پر لکھے ٹیکسٹ کو کاپی کیا جا سکتا ہے۔

اب آئی فونز پر واٹس ایپ استعمال کرنے والے افراد بھی اس طرح کا فیچر استعمال کر سکتے ہیں۔

یہ فیچر صرف ایسے آئی فونز میں کام کرے گا جن میں آئی او ایس 16 انسٹال ہوگا۔

اس فیچر کے ساتھ ویو ونس کو استعمال کرنا ممکن نہیں ہوگا۔

فیچر کیسے استعمال کریں؟

اس فیچر میں ٹیکسٹ والی تصویر پر کلک کرنے سے ایک نیا بٹن نظر آئے گا / فوٹو بشکریہ WABetaInfo

اس فیچر کو استعمال کرنے کے لیے ایسی تصویر پر کلک کریں جس پر کسی قسم کا ٹیکسٹ موجود ہو۔

ایسا کرنے پر ایک نیا بٹن سامنے آئے گا جس پر کاپی، سلیکٹ آل، Look up اور ٹرانسلیٹ کے آپشن ہوں گے۔

ان میں سے سلیکٹ آل کا انتخاب کرکے کاپی پر کلک کریں گے تو ٹیکسٹ کاپی ہو جائے گا جس کو چیٹ میں یا کہیں بھی پیسٹ کرنا ممکن ہوگا۔

جیسا اوپر درج کیا جاچکا ہے کہ یہ فیچر صرف آئی فونز تک محدود ہوگا کیونکہ اس کے لیے واٹس ایپ نے آئی او ایس 16 کے ایپ پروگرامنگ انٹرفیس کو استعمال کیا ہے۔

اس طرح کا پروگرامنگ انٹرفیس فی الحال اینڈرائیڈ آپریٹنگ سسٹم میں موجود نہیں۔