ساہیوال: مفت آٹے کی تقسیم کے دوران بھگدڑ، 19 خواتین زخمی، ایک جاں بحق

بھکر کے بعد اب ساہیوال میں بھی مفت آٹے کی تقسیم کے دوران بھگدڑ مچنے سے خاتون جاں بحق ہوگئیں۔

ریسکیو ذرائع کے مطابق ساہیوال کے نواز شریف پارک میں مفت آٹے کی تقسیم کے دوران بھگدڑ مچ گئی جس میں 19 خواتین زخمی ہوئیں جنہیں فوری طور پر طبی امداد کے لیے اسپتال منتقل کیا گیا۔

ریسکیو ذرائع کا کہنا ہےکہ بھگدڑ مچنے کے نتیجے میں ایک خاتون جاں بحق بھی ہوئیں۔

ریسکیو ذرائع کا کہنا ہے کہ ریسکیو کی 5 سے زائد گاڑیوں نے آپریشن میں حصہ لیا۔

واضح رہے کہ اب تک مفت آٹے کے حصول کے لیے کئی افراد جان سے جاچکے ہیں جب کہ کچھ روز قبل بھکر میں ایک شہری آٹا لینے کی لائن میں بدنظمی کے سبب انتقال کرگیا تھا۔

مفت آٹے کے حصول کیلئے زحمت سے بچنے کا طریقہ کار کیا ہے؟

شناختی کارڈ ایپ سے اسکین کروائیں اور پرچی لیں اور سینٹر پر موجود ٹرک سے آٹا وصول کریں

بھکر: مفت آٹا لینے کیلئے دھکے کھانیوالا شہری آٹا لیتے ہی جان سے گیا

66 سالہ الٰہی بخش کی طبعیت کی خرابی کی اطلاع ملی لیکن امداد پہنچنے تک وہ دم توڑ چکا تھا: ریسکیو