'کم از کم رمضان میں تو گیس دے دو'، لوڈ شیڈنگ سے تنگ شہریوں کا مطالبہ
31 مارچ ، 2023
ملک کے مخلتف شہروں میں گیس لوڈشیڈنگ سے تنگ شہریوں نے مطالبہ کرتے ہوئے کہا ہے کہ کم از کم رمضان میں تو شیڈول کے مطابق گیس دے دو ۔
کراچی کے مختلف علاقوں میں گیس لوڈ شیڈنگ کے باعث شہری پریشان ہوگئے، انہیں سحر و افطار کی تیاری میں مشکلات کا سامنا کرنا پڑ رہا ہے۔
گوجرانوالہ میں گیس نہ ملنے پر شہریوں نے حکومت سے شکوہ اور شیڈول کے مطابق گیس کی فراہمی کا مطالبہ کیا ہے۔
اس کے علاوہ ملتان، فیصل آباد اور راولپنڈی میں بھی شہری گیس لوڈشیڈنگ سے پریشان ہوگئے۔
شہریوں کا کہنا ہے کہ سحری اور افطار کی تیاری بھی مشکل ہوگئی ، سلنڈر پر کھانا پکائیں گے تو اس مہنگائی میں کیسے گزارا کریں گے ۔
