21 اپریل ، 2023 
پاکستان
پہلے بھی عدالتی حکم کے خلاف آپریشن کیا گیا، زمان پارک میں آپریشن ہوا تو اعلیٰ عدالتوں سے رجوع کیا جائے گا: مراسلے کا متن/ فائل فوٹو
زمان پارک میں آپریشن کا خدشہ: بشریٰ بی بی کا وزیراعظم اور نگران وزیراعلیٰ پنجاب کو مراسلہ
21 اپریل ، 2023
لاہور: عمران خان کی اہلیہ بشریٰ بی بی نے زمان پارک میں آپریشن کے خدشے کے پیش نظر وزیراعظم اور نگران وزیراعلیٰ پنجاب کو مراسلہ بھیج دیا۔
بشریٰ بی بی نے عید پر زمان پارک میں آپریشن کے خدشے کے باعث اپنے وکلا کے توسط سے وزیراعظم شہباز شریف اور نگران وزیراعلیٰ پنجاب محسن نقوی کو مراسلہ بھیجا ہے۔
بشریٰ بی بی کی جانب سے تحریر مراسلے میں کہا گیا ہےکہ عید پر زمان پارک میں آپریشن کا خدشہ ہے لیکن اس حوالے سے عدالت کا حکم موجود ہے، عدالتی حکم کی غلط تشریح کا پلان بنایا جاچکا ہے، پہلے بھی عدالتی حکم کے خلاف آپریشن کیا گیا، زمان پارک میں آپریشن ہوا تو اعلیٰ عدالتوں سے رجوع کیا جائے گا۔
