01 مئی ، 2023 
انٹرٹینمنٹ
دبئی میں کسی سکیورٹی کی ضرورت محسوس نہیں ہوئی وہاں پر خود کو مکمل طور پر محفوظ محسوس کیا: دبنگ اسٹار کی بھارتی ٹی وی شو میں گفتگو /فوٹوفائل
بھارت میں قتل کی دھمکیاں، سلمان خان کو دبئی محفوظ لگنے لگا
01 مئی ، 2023
بالی وڈ دبنگ اسٹار سلمان خان کا کہنا ہے کہ بھارت میں ملنے والی قتل کی دھمکیوں کے بعد انہیں دبئی محفوظ لگنے لگا۔
ایک بھارتی ٹی وی شو میں ’کسی کا بھائی کسی کی جان‘ اسٹار کا کہنا تھا کہ سکیورٹی عدم تحفظ سے بہتر ہے وہ جہاں بھی جاتے ہیں مکمل سکیورٹی کے ساتھ جاتے ہیں لیکن دبئی میں کسی سکیورٹی کی ضرورت محسوس نہیں ہوئی وہاں پر مکمل طور پر محفوظ محسوس ہوا۔
سلمان خان کا کہنا تھا کہ بھارت میں تھوڑا سا مسئلہ ہے اس لیے میں جہاں بھی جاتا ہوں مکمل سکیورٹی کے ساتھ جاتا ہوں، میں خود بھی ان دنوں خوفزدہ رہنے لگا ہوں۔
واضح رہے کہ سلمان خان کو عید کے بعد دبئی کے شاپنگ مال میں سکیورٹی کے ساتھ دیکھا گیا تھا۔
