خراٹوں جیسے مسئلے سے نجات بہت آسان

کیا آپ نیند کے دوران خراٹے لیتے ہیں؟ تو اس سے صحت پر سنگین اثرات مرتب ہو سکتے ہیں۔

مگر یہ عادت گھر والوں کی نیند بھی متاثر کرتی ہے جن کے لیے کسی خراٹے لینے والے شخص کے قریب سونا آسان نہیں ہوتا۔

ویسے یہ جان لیں کہ لوگ خراٹے لیتے کیوں ہیں۔

ایسا اس وقت ہوتا ہے جب نیند کے دوران حلق کے مسلز پرسکون ہو جائیں جس سے سانس لینے کے دوران ہوا کا بہاؤ متاثر ہوتا ہے اور عجیب آوازیں منہ سے خارج ہونے لگتی ہیں۔

خراٹے دماغی صحت کیلئے خطرناک ہوسکتے ہیں: تحقیق

اونچی آواز میں خراٹے لینے سے دماغ کو نقصان پہنچ سکتا ہے، ماہرین

اوبیسٹریکٹیو سلیپ اپنیا کے شکار افراد میں یہ عام مسئلہ ہوتا ہے۔

اوبیسٹریکٹیو سلیپ اپنیا کے شکار افراد کی سانس نیند کے دوران بار بار رکتی ہے جس سے خراٹوں کے ساتھ ساتھ متعدد طبی پیچیدگیوں کا خطرہ بھی بڑھتا ہے۔

اسی طرح موٹاپے، ناک، منہ اور حلق کی ساخت میں مسائل اور نیند کی کمی سے بھی خراٹوں کے مسئلے کا سامنا ہو سکتا ہے۔

مگر اچھی بات یہ ہے کہ چند عام چیزوں کے ذریعے خراٹوں کی روک تھام ممکن ہے۔

خراٹے لینے والے افراد میں کینسر کا خطرہ زیادہ ہوتا ہے، تحقیق

obstructive sleep apnea (او ایس اے) کے نتیجے میں کینسر کا خطرہ بڑھتا ہے۔

دائیں یا بائیں کروٹ پر سونے کی کوشش کریں

پشت کے بل یا چت لیٹنے سے کئی بار زبان حلق کی جانب مڑ جاتی ہے جس سے سانس رکتی ہے اور خراٹوں کی شکایت کا سامنا ہوتا ہے۔

یہی وجہ ہے کہ دائیں یا بائیں کروٹ لیٹنے سے ہوا کا بہاؤ متاثر نہیں ہوتا جس سے خراٹے رک جاتے ہیں۔

مناسب نیند

نیند کی کمی سے بھی خراٹوں کا خطرہ بڑھتا ہے کیونکہ ناکافی نیند سے حلق کے مسلز پرسکون ہوتے ہیں اور ہوا کا بہاؤ متاثر ہوتا ہے۔

ورزش کے بغیر جسمانی وزن میں کمی کیسے لائیں؟

مصروفیات کے باعث بیشتر افراد کے لیے ورزش کے ذریعے جسمانی وزن میں کمی لانا مشکل ثابت ہوتا ہے۔

طبی ماہرین کی جانب سے بالغ افراد کو ہر رات 7 سے 9 گھنٹے سونے کا مشورہ دیا جاتا ہے۔

بستر پر سر اونچا کرلیں

بستر پر سر کو چند انچ اونچا کرنے سے ہوا کی گزرگاہ کھل جاتی ہے اور خراٹوں کے مسئلے میں کمی آتی ہے۔

اس کے لیے 2 تکیوں کا استعمال کیا جا سکتا ہے۔

تمباکو نوشی سے گریز کریں

تمباکو نوشی ایسی عادت ہے جو خراٹوں کی شدت کو بدتر بنا دیتی ہے۔

جلد بڑھاپے کا شکار بنا دینے والی عام غذائیں

اگر آپ قبل از وقت بڑھاپے سے بچنا چاہتے ہیں تو چند مخصوص غذاؤں کے استعمال سے جس حد تک ممکن ہو گریز کریں۔

اس کی ایک ممکنہ وجہ یہ ہے کہ تمباکو نوشی سے اوبیسٹریکٹیو سلیپ اپنیا سے متاثر ہونے کا خطرہ بڑھتا ہے۔

جسمانی وزن کو کنٹرول کریں

اگر آپ کا جسمانی وزن زیادہ ہے تو اس سے حلق کے ٹشوز کا حجم بھی بڑھ جاتا ہے جس سے خراٹوں کے مسئلے کا سامنا ہوتا ہے۔

جسمانی وزن میں کمی لانے سے خراٹوں سے بچنے میں مدد مل سکتی ہے۔

وہ عام علامات جو نیند کی کمی ظاہر کرتی ہیں

چند عام علامات سے یہ جاننا آسان ہو جاتا ہے کہ آپ نیند کی کمی کے شکار تو نہیں۔

پانی کی مناسب مقدار کا استعمال

جسم میں پانی کی کمی سے خراٹوں سے متاثر ہونے کا خطرہ بڑھتا ہے۔

تو دن بھر میں مناسب مقدار میں پانی پینے سے خراٹوں کی روک تھام میں مدد مل سکتی ہے۔

ٹینس بال سے مدد لیں

چونکہ پشت کے بل سونے سے خراٹوں کی شدت بڑھتی ہے تو ٹینس بال آپ کو کروٹ کے بل سونے پر مجبور کر سکتی ہے۔

ورزش کو معمول بنانےکے فوائد جانتے ہیں؟

ورزش کو معمول بنانے سے جسمانی فٹنس کے ساتھ ساتھ ذہنی صحت بھی بہتر ہوتی ہے۔

اس کے لیے ٹینس بال کو قمیض سے منسلک کرلیں تاکہ آپ کمر کے بل لیٹ نہ سکیں۔

بستر کی چادر کو جلد بدلیں

کئی بار الرجی کے باعث بھی حلق میں ہوا کی گزرگاہ متاثر ہوتی ہے جس سے خراٹوں کا سامنا ہوتا ہے۔

تو اپنے بستر کی چادر کو جلد بدلنا عادت بنائیں تاکہ الرجی کے باعث خراٹوں کا سامنا نہ ہو سکے۔

پیشانی پر موجود جھریوں کو دور کرنے میں مددگار آسان طریقے

اچھی بات یہ ہے کہ ان جھریوں کو طرز زندگی کی چند عادات سے کم کرنا ممکن ہے۔

پودینے کا تیل

اگر خراٹوں کی شدت معمولی ہے تو پودینے کے تیل سے اس کی روک تھام ممکن ہے۔

اس مقصد کے لیے پودینے کے تیل کی تھوڑی سی مقدار ناک کے نیچے لگائیں جس سے ناک کھلی رہے گی۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔