گوگل میپس کو مکمل بدل دینے والا نیا فیچر متعارف

گوگل کی مقبول ترین ایپ میپس کے استعمال کا تجربہ اب مکمل طورپر بدلنے والا ہے۔

گوگل میپس میں ایمرسیو (Immersive) ویو کا پہلے سے زیادہ بہتر فیچر متعارف کرایا جا رہا ہے۔

اس فیچر سے لوگوں کے لیے مطلوبہ منزل تک جانے کا راستہ سمجھنا آسان ہو جائے گا۔

گوگل کی جانب سے اسے ایمرسیو ویو فار روٹس کا نام دیا گیا ہے جس کا اعلان کمپنی کی سالانہ ڈویلپر کانفرنس کے موقع پر کیا گیا۔

گوگل کا اے آئی چیٹ بوٹ پاکستانی صارفین کو دستیاب، استعمال کا طریقہ جانیں

گوگل اور مائیکرو سافٹ کے درمیان اے آئی چیٹ بوٹس کی مسابقت اب صحیح معنوں میں شروع ہوگئی ہے۔

اس فیچر میں کسی راستے کو برڈ آئی ویو سے دیکھا جاسکے گا تاکہ صارف اس کے آس پاس کے معروف مقامات یا عمارات کو بہتر طریقے سے جان سکے۔

گوگل کی جانب سے ٹریفک کی تفصیلات بھی فراہم کی جائیں گی تاکہ لوگ اس کے مطابق سفر کر سکیں۔

اس فیچر کو پیدل چلتے، گاڑی چلاتے یا سائیکل پر سفر کرتے ہوئے بھی استعمال کرنا ممکن ہوگا۔

یہ بنیادی طور پر گوگل میپس میں گزشتہ سال متعارف کرائے گئے ایمرسیو ویو فیچر پر مبنی ہے مگر اس سے مخصوص مقامات کی بجائے پورے شہر کا 3 ڈی جائزہ لینا ممکن ہو جائے گا۔

گوگل کا پہلا فولڈ ایبل اسمارٹ فون، اینڈرائیڈ 14 اور دیگر سروسز متعارف

گوگل کی سالانہ کانفرنس کے دوران چند نئی سروسز، ڈیوائسز اور دیگر اپ ڈیٹس کے بارے میں تفصیلات فراہم کی گئیں۔

یہ فیچر میپس کے ذریعے نیوی گیشن کے تجربے کو بدل دے گا تاہم صارفین کو اس کے لیے کچھ انتظار کرنا ہوگا۔

کمپنی نے بتایا کہ اس فیچر کو آنے والے مہینوں میں ابتدائی طور پر چند شہروں میں متعارف کرایا جائے گا۔

یہ فیچر پہلے گوگل میپس کی موبائل ایپس کے لیے متعارف کرایا جائے گا۔