20 مئی ، 2023 
'اپنے والد جیسا شوہر نہیں چاہتی'، پرینیتی چوپڑا نے ایسا کیوں کہا؟
20 مئی ، 2023
بالی وڈ اداکارہ پرینیتی چوپڑا نے ایک انٹرویو میں کہا کہ وہ اپنے والد جیسا شوہر نہیں چاہتیں۔
بھارتی میڈیا کے مطابق پرینیتی چوپڑا نے اداکار عامر خان سے گفتگو کرتے ہوئے کہا کہ میں نے بہت لوگوں سے سنا ہے یہ کہتے ہوئےکہ مجھے اپنے پاپا (والد) جیسا شوہر چاہیے تھا لیکن میں نے کبھی ایسا نہیں کہا۔
جس پر عامر خان کی جانب سے پوچھا گیا کیوں؟ آپ کے والدکیسے ہیں؟ جواب دیتے ہوئے اداکارہ نے کہا کہ کیونکہ میرے والد بہت سخت ہیں، انہیں بھی لگتا ہے کہ رونا غلط ہے، اگر میرے بھائی روتے ہیں تو وہ انہیں بولتے ہیں کیا لڑکیوں کی طرح رو رہے ہو۔
اداکارہ نے یہ بھی کہا کہ میرے والد کے مطابق لڑکوں کو کچن میں جانےکی اجازت نہیں ہے، پتہ نہیں کیوں لیکن مجھے لگتا ہے ان کی غلطی نہیں ہے وہ ایسے ہی بڑے ہوئے ہیں، میرا خیال ہے بہت غرور ہوتا ہےمردوں میں، یہ مرد کےکام ہیں وہ عورت کے کام ہیں۔
انہوں نے مزیدکہا کہ اپنے جذبات کا اظہار کرنا ٹھیک ہے چاہے آپ مرد ہی کیوں نہ ہوں اور اپنے آپ کو ظاہرکرنے سے آپ کم نہیں ہوجائیں گے۔
واضح رہے کہ اداکارہ پرینیتی چوپڑا نے حال ہی میں ایک بھارتی سیاستدان عام آدمی پارٹی کے رکن پارلیمنٹ راگھو چڈھا سے منگنی کی ہے۔
