کیا جاوید شیخ تیسری شادی کریں گے؟

28 مئی ، 2023

اس سے قبل ایک انٹرویو کے دوران جاوید شیخ نے بتایا تھا کہ میری پہلی شادی زینت منگی سے ہوئی تھی جس سے میرے دو بچے شہزاد شیخ اور مومل شیخ ہیں__فوٹو: اسکرین گریب

پاکستان ڈرامہ و فلم انڈسٹری کے سدا بہار اداکار جاوید شیخ نے ایک مرتبہ پھر شادی کرنے سے متعلق لب کشائی کی ہے۔

حال ہی میں ایک انٹرویو کے دوران میزبان و اداکار ساجد حسن نے جاوید شیخ سے سوال کیا کہ 'شادی کے بغیر اتنے عرصے رہنا، جتنے عرصے آپ رہے اور رہ رہے ہیں تو یہ ذاتی انتخاب ہے یا آپ کو اب تک کوئی مناسب رشتہ نہیں ملا؟'

جواب میں جاوید شیخ نے کہا 'میری قسمت میں ایسا ہی لکھا تھا، قسمت ہم خود نہیں لکھ سکتے'۔

میزبان نے ایک بار پھر سوال کیا کہ 'کیا آپ اس معاملے (شادی) سے خود کو دستبردار کر چکے ہیں کہ بس اب ممکن نہیں ہے؟'

یہ بھی پڑھیں

جاوید شیخ نے کہا 'نو کمنٹس، بات یہیں ختم ہوتی ہے'، یہ کہتے ہوئے اداکار قہقہہ لگا کر ہنس دیے۔

واضح رہے کہ اس سے قبل ایک انٹرویو کے دوران جاوید شیخ نے بتایا تھا کہ ’میری پہلی شادی زینت منگی سے ہوئی تھی جس سے میرے دو بچے شہزاد شیخ اور مومل شیخ ہیں، زینت سے میری شادی اس وقت ہوئی جب میں فلم 'ڈوبتا کنارہ' کی شوٹنگ کے لیے شارجہ جانے والا تھا'۔

اداکار کے مطابق اسی دوران میری ملاقات زینت سے ہوئی وہ میری فین تھی، ملاقاتوں کا سلسلہ بڑھا تو میں نے شادی کا فیصلہ کرلیا، ہمارا 3 سال کا ساتھ رہا لیکن پھر زینت سے ذہنی ہم آہنگی اور مزاج کا فرق علیحدگی کی وجہ بن گیا، پھر ہماری علیحدگی ہوگئی اس کے بعد میں اچھا خاصاڈسٹرب ہوگیا تھا۔

جاوید شیخ نے بتایا کہ ’اس کے بعد میں فلم ’ہم اور تم ‘کر رہا تھا تو میرے ساتھ سلمیٰ آغا بھی تھیں اس دوران انہوں نے مجھے خاصا سپورٹ کیا اور اس کے بعد خود مجھے شادی کی آفر کی لیکن یہ شادی بھی میری 3 سال چل سکی، سلمیٰ آغاسے میری کوئی اولاد نہیں ہے، سلمیٰ آغا سے علیحدگی کے بعد میں نے پھر شادی نہیں کی اس کے بعد یہ سوچ کر شادی نہیں کی کہ لوگ میرے متعلق یہ رائے نہ قائم کرلیں کہ میں شادی ہی کرتا رہتا ہوں‘۔