’یہاں فرسٹ پوزیشن لینی ہے‘، بابر اور رضوان کی تصویر پر دلچسپ تبصرے

قومی ٹیم کےکپتان بابراعظم اور وکٹ کیپر بیٹسمین محمد رضوان ہارورڈ یونیورسٹی بزنس اسکول کےایجوکیشن پروگرام میں شرکت کیلئے امریکا میں موجود ہیں تاہم اس دوران کپتان کی جانب سے شیئر کی گئی تصویر سوشل میڈیا پر وائرل ہیں۔

گزشتہ روز بابراعظم نے سوشل میڈیا اکاؤنٹ پر ایک تصویر شیئر کرتے ہوئے دلچسپ کیپشن درج کیا، تصویر میں بابر کو صوفے پر لیٹے پیپر پڑھتے دیکھا جاسکتا ہے تو دوسری جانب رضوان بھی اردگرد پیپر پھیلائے ان میں مصروف ہیں۔

اس پوسٹ کے کیپشن میں بابر اعظم نے لکھا کہ ’ یہ کیا ہورہا ہے ؟

اس پوسٹ کے شیئر ہوتے ہی سوشل میڈیا صارفین کی جانب سے دلچسپ تبصرے کیے جانے لگے، ایک صارف نے پوسٹ پر کمنٹ کرتے ہوئے لکھا کہ موج ، مستی اور تیاری۔

ایک اکاؤنٹ سے کمنٹ کرتے ہوئے لکھا گیا کہ ایگزام کی تیاری۔

نواز نامی صارف نے بابر رضوان  کو پیغام دے ڈالا کہ یہاں پر پہلی پوزیشن لینی ہے۔

بابر اور رضوان ہارورڈ بزنس اسکول جوائن کرنے امریکا روانہ

دونوں قومی کرکٹرز ہارورڈ یونیورسٹی کےایجوکیشن پروگرام میں شرکت کرنے والے پہلے پروفیشنل کرکٹرز ہوں گے

واضح رہے کہ بابر اعظم اور محمد رضوان  ہارورڈ یونیورسٹی کےایجوکیشن پروگرام میں شرکت کرنے والے پہلے پروفیشنل کرکٹرز ہیں، بابر اور رضوان 31 مئی سے 3 جون تک ہارورڈ یونیورسٹی ایجوکیشن پروگرام میں شرکت کریں گے۔