بہت جلد ایک بلڈ ٹیسٹ سے کینسر کی 50 اقسام کی تشخیص ممکن ہو جائے گی

کینسر ایسا جان لیوا مرض ہے جس کے کیسز کی تعداد ہر گزرتے برس کے ساتھ اضافہ ہورہا ہے۔

ویسے تو کینسر کا علاج بہت مشکل ہوتا ہے تاہم اگر اس کی تشخیص جلد ہوجائے تو اس کا علاج ممکن ہوجاتا ہے۔

یہی وجہ ہے کہ برطانیہ کے طبی ماہرین کی ایک حالیہ پیشرفت سے توقع پیدا ہوئی کہ کسی فرد میں کینسر کی تشخیص آسان ہو جائے گی۔

آکسفورڈ یونیورسٹی کے زیرتحت ایک تحقیق میں کینسر کی 50 سے زائد اقسام کی تشخیص کرنے والے بلڈ ٹیسٹ کی آزمائش کے نتائج حوصلہ افزا رہے۔

کینسر کی وہ عام علامات جو اکثر افراد نظر انداز کر دیتے ہیں

کینسر کی علامات کو نظرانداز کرنے کا نتیجہ تباہ کن ہوتا ہے۔

یہ ٹیسٹ ایک امریکی کمپنی Grail نے تیار کیا تھا اور برطانیہ میں اس کی افادیت کو کلینیکل ٹرائل سے جانچا جا رہا ہے۔

ٹرائل کے ابتدائی نتائج اگلے سال جاری کیے جا سکتے ہیں، فی الحال اس پر ایک تحقیق کے نتائج سامنے آئے ہیں۔

تحقیق میں بتایا گیا کہ اس ٹیسٹ سے مشتبہ علامات کے ساتھ ڈاکٹروں کا رخ کرنے والے 85 فیصد کیسز میں کینسر کی درست تشخیص کرنے میں مدد ملی۔

کینسر جیسے جان لیوا مرض کے تیزی سے پھیلنے کی اہم وجہ سامنے آگئی

ماہرین نے کینسر جیسے جان لیوا مرض کے بہت تیزی سے پھیلنے کی بڑی وجہ دریافت کی ہے اور وہ ہے موٹاپا۔

اس ٹیسٹ میں مختلف اقسام کے کینسر سے خارج ہونے والے جینیاتی ذرات کی تبدیلیوں کو دیکھا جاتا ہے۔

محققین نے بتایا کہ اس ٹیسٹ پر مزید پیشرفت ہونا باقی ہے مگر اس سے کینسر کے زیادہ کیسز کی تشخیص کرنے میں مدد مل سکے گی۔

ابھی کینسر کے مریضوں کو اسپتال جانے کے بعد متعدد ٹیسٹ کرانے پڑتے ہیں جس کے بعد بیماری کے ہونے یا نہ ہونے کا فیصلہ کیا جاتا ہے۔

اس تحقیق میں کینسر کی مشتبہ علامات کا سامنا کرنے والے 350 سے زیادہ افراد میں کینسر کی تشخیص اس ٹیسٹ کے ساتھ ساتھ دیگر روایتی ذرائع کے ذریعے کی گئی تھی۔

ایسی عام غذائیں جن کے زیادہ استعمال سے کینسر کا خطرہ بڑھتا ہے

کینسر کے بیشتر کیسز کی وجہ ایسے عناصر ہوتے ہیں جن کی روک تھام ممکن ہے۔

محققین کے مطابق ٹیسٹ سے تشخیص کی درستگی کی شرح 85 فیصد تھی اور یہ ٹیسٹ بہت زیادہ مددگار ثابت ہو سکتا ہے کیونکہ اس کے نتائج کو سامنے رکھ کر ہم اسکین یا دیگر ٹیسٹوں کا فیصلہ کر سکتے ہیں۔

تحقیق کے نتائج امریکا میں جاری ایک طبی کانفرنس کے دوران پیش کیے گئے۔