سرطان کا عالمی دن : کینسر کا خطرہ بڑھانے والی عام غذاؤں کے بارے میں جانتے ہیں؟

ہر سال 4 فروری کو کینسر کا عالمی دن منایا جاتا ہے جس کا مقصد اس موذی مرض کے حوالے سے عوامی شعور کو اجاگر کرنا ہے۔

کینسر ایک پیچیدہ مرض ہے جس کی متعدد اقسام ہیں۔

اس حوالے سے ابھی مکمل تفصیلات تو معلوم نہیں مگر یہ ضرور علم ہوچکا ہے کہ متعدد عناصر کینسر کی وجہ بن سکتے ہیں۔

جینیاتی نظام اور خاندان کی تاریخ اس حوالے سے کردار ادا کرتی ہے اور ان عناصر پر کنٹرول ممکن نہیں۔

ہر سال ایک کروڑ اموات کا باعث بننے والے کینسر کے مرض سے بچنے میں مددگار آسان عادات

گزشتہ 2 دہائیوں کے دوران کینسر کے شکار ہونے والے افراد کی تعداد میں لگ بھگ دوگنا اضافہ ہوچکا ہے۔

مگر کچھ عناصر ایسے ہیں جن پر آپ کنٹرول کر سکتے ہیں جیسے طرز زندگی کی عادات، جو کینسر کے حوالے سے اہم اثرات مرتب کرتی ہیں۔

تحقیقی رپورٹس کے مطابق کینسر کے بیشتر کیسز کی وجہ ایسے عناصر ہوتے ہیں جن کی روک تھام ممکن ہے۔

آپ کی غذا بھی ان اہم ترین عناصر میں سے ایک ہے اور تحقیقی رپورٹس میں ثابت ہوا ہے کہ کچھ غذاؤں کے استعمال سے کینسر کی مخصوص اقسام کا خطرہ بڑھ جاتا ہے۔

ان غذاؤں کے بارے میں جانیں جو کینسر کی مختلف اقسام کا خطرہ بڑھاتی ہیں۔

چینی کا استعمال نہ کرنے سے جسم پر کیا اثرات مرتب ہوتے ہیں؟

چینی جسم میں جاکر فوری طور پر ہضم ہوجاتی ہے جس سے بلڈ شوگر کی سطح میں بہت تیزی سے اضافہ ہوتا ہے۔

پراسیس گوشت

پراسیس گوشت سے مراد ایسا گوشت ہے جسے دھویں، نمک یا دیگر طریقوں سے محفوظ کیا جاتا ہے۔

عام طور پر سرخ گوشت کو پراسیس کیا جاتا ہے اور اس عمل کے دوران ایسے مرکبات بنتے ہیں جو کینسر کا خطرہ بڑھاتے ہیں۔

مختلف تحقیقی رپورٹس میں بھی بتایا گیا ہے کہ پراسیس گوشت کے استعمال سے معدے، آنتوں اور بریسٹ کینسر کا خطرہ بڑھتا ہے۔

قبض، پیٹ پھولنے اور نظام ہاضمہ کے دیگر امراض سے بچانے کیلئے بہترین غذائیں

متعدد افراد کو نظام ہاضمہ کے مسائل جیسے پیٹ پھولنے، پیٹ درد، گیس، ہیضہ اور قبض کا سامنا ہوتا ہے۔

تلی ہوئی غذائیں

جب غذاؤں کو زیادہ درجہ حرارت پر پکایا جاتا ہے تو acrylamide نامی مرکب بنتا ہے، خاص طور پر ایسی غذائیں جن کو تیل میں تلا جاتا ہے۔

یہ مرکب کینسر کا خطرہ بڑھا سکتا ہے اور ایک تحقیق میں دریافت کیا گیا کہ acrylamide سے ڈی این اے کو نقصان پہنچتا ہے جبکہ خلیات مرنے لگتے ہیں۔

اسی طرح کی غذاؤں کے بہت زیادہ استعمال سے ذیابیطس ٹائپ 2 اور موٹاپے کا خطرہ بھی بڑھتا ہے اور یہ دونوں مسائل بھی کینسر کا خطرہ بڑھاتے ہیں۔

فالج اور ہارٹ اٹیک سمیت دل کے جان لیوا امراض سے بچانے میں مددگار بہترین غذائیں

آپ کا غذائی انتخاب بلڈ پریشر، خون میں چکنائی، کولیسٹرول اور ورم پر اثرانداز ہوتا ہے۔

بہت زیادہ پکائی جانے والی غذائیں

بہت زیادہ دیر تک پکائی جانے والی غذاؤں میں کینسر کا خطرہ بڑھانے والے کیمیکلز کی مقدار بھی زیادہ ہوتی ہے۔

خاص طور پر کوئلوں پر تیار کیے جانے والے گوشت میں کینسر کا باعث بننے والے کیمیکلز کی مقدار بڑھ جاتی ہے۔

تحقیقی رپورٹس کے مطابق اس طرح کی غذاؤں سے خلیات کا ڈی این اے تبدیل ہوتا ہے جس سے کینسر کا خطرہ بڑھتا ہے۔

ناشتہ نہ کرنے کی عادت کے 3 حیرت انگیز اثرات

ناشتے سے جسم کو دن کے آغاز پر توانائی ملتی ہے اور آپ کے پاس موقع ہوتا ہے کہ صحت بخش غذاؤں سے جسم کو دن کا آغاز کرنے دیں۔

چینی کا زیادہ استعمال

چینی سے بنی میٹھی اشیا کے زیادہ استعمال سے بھی کینسر کا خطرہ بڑھ سکتا ہے۔

تحقیقی رپورٹس کے مطابق زیادہ میٹھی اشیا کے استعمال سے ذیابیطس ٹائپ 2 اور موٹاپے سے متاثر ہونے کا خطرہ بڑھتا ہے۔

یہ دونوں مسائل ورم اور تکسیدی تناؤ کا باعث بنتے ہیں جس سے کینسر کی مخصوص اقسام کا خطرہ بڑھتا ہے۔

وٹامن ڈی کی کمی جسم پر کیا اثرات مرتب کرتی ہے؟

ایک تخمینے کے مطابق دنیا بھر میں ایک ارب افراد وٹامن ڈی کی کمی کا سامنا کررہے ہیں۔

الٹرا پراسیس غذائیں

ایک حالیہ تحقیق میں دریافت کیا گیا تھا کہ الٹرا پراسیس غذاؤں کے زیادہ استعمال سے کینسر سے متاثر ہونے اور اس سے موت کا خطرہ بڑھتا ہے۔

الٹرا پراسیس غذاؤں میں ڈبل روٹی، فاسٹ فوڈز، مٹھائیاں، ٹافیاں، کیک، نمکین اشیا، بریک فاسٹ سیریلز، چکن اور فش نگٹس، انسٹنٹ نوڈلز، میٹھے مشروبات اور سوڈا وغیرہ شامل ہیں۔

تحقیق کے مطابق الٹرا پراسیس غذائیں پسند کرنے والے افراد سافٹ ڈرنکس کا استعمال بھی زیادہ کرتے ہیں جبکہ سبزیوں اور پھلوں کو زیادہ پسند نہیں کرتے، جس سے بھی کینسر اور دیگر امراض کا خطرہ بڑھتا ہے۔

کیا سردیوں میں دہی کھانا نقصان دہ تو نہیں ہوتا؟

دہی میں متعدد غذائی اجزا موجود ہوتے ہیں جن سے صحت کو فائدہ ہوتا ہے۔

تحقیق میں دریافت کیا گیا کہ الٹرا پراسیس غذاؤں کے استعمال میں ہر 10 فیصد اضافے سے کسی بھی قسم کے کینسر سے متاثر ہونے کا خطرہ 2 فیصد تک بڑھ جاتا ہے۔

الکحل

الکحل کے استعمال سے جسم کے اندر کینسر کا خطرہ بڑھانے والے مرکبات بنتے ہیں جو ڈی این اے کو نقصان پہنچانے کے ساتھ تکسیدی تناؤ کا باعث بنتے ہیں۔

یہ مرکبات مدافعتی افعال کو بھی متاثر کرتے ہیں جس کے باعث جسم کے لیے کینسر سے متاثر خلیات کو ہدف بنانا مشکل ہو جاتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔