14 جون ، 2023 
عاقب جاوید گلوبل ٹی ٹوئنٹی میں ٹورنٹو نیشنلز کوچنگ کریں گے
14 جون ، 2023
لاہور قلندرز کے ڈائریکٹر کرکٹ عاقب جاوید گلوبل ٹی ٹوئنٹی میں کینیڈا کی ٹیم کیلئے کوچنگ کے فرائض سرانجام دیں گے۔
عاقب جاوید کینیڈا کی لیگ میں ٹورنٹو نیشنلز کی کوچنگ کریں گے، لاہور قلندرز سے وابستگی کے بعد پہلی بار کسی لیگ میں کوچنگ کریں گے۔
گلوبل ٹی ٹوئنٹی لیگ میں کوچنگ کے حوالے سے بات چیت کرتے ہوئے عاقب جاوید کا کہنا تھا کہ میرے پاس وقت تھا، لیگ بھی طویل نہیں ہے اس لیے کوچنگ کا فیصلہ کیا۔
انہوں نے کہا کہ لاہور قلندرز سے زیادہ وقت کے لیے دور نہیں ہوں گا، تجربے کیلئے کینیڈا کی لیگ میں کوچنگ کی حامی بھری، لیگ میں جانے سے ٹیلنٹ کو قریب سے دیکھنے کا موقع ملے گا۔
واضح رہے کہ عاقب جاوید کی کوچنگ میں لاہور قلندرز کی ٹیم پاکستان سپر لیگ میں مسلسل دوسری مرتبہ چیمپئن بننے کا اعزاز حاصل کرچکی ہے۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
