ٹائی ٹینک جہاز کے چند حیران کن اسرار اور حقائق

بحر اوقیانوس میں غرق ہونے والے بحری جہاز ٹائی ٹینک کے ملبے کو دیکھنے کے لیے جانے والی آبدوز لاپتہ ہوگئی ہے جس کی تلاش جاری ہے۔

اس آبدوز میں سوار افراد کو بچانے کے لیے امدادی ٹیموں کے پاس 70 سے 96 گھنٹے کا وقت ہے، جس کے بعد آبدوز میں آکسیجن ختم ہو جائے گی۔

ٹائی ٹینک اپریل 1912 میں ڈوبا تھا، یعنی اسے غرق ہوئے 111 سال سے زیادہ عرصہ ہوچکا ہے مگر یہ بحری جہاز اب بھی لوگوں کے ذہنوں میں زندہ ہے۔

10 اپریل 1912 کو اپنے پہلے سفر پر روانہ ہونے والا یہ بحری جہاز اس وقت کا سب سے بڑا بحری جہاز تھا جسے تیار کرنے والوں کا دعویٰ تھا کہ اس کا ڈوبنا ممکن ہی نہیں۔

ٹائی ٹینک کا ملبہ دیکھنےکیلئے جانیوالی لاپتہ آبدوز میں 2 پاکستانی بھی شامل

امریکی کوسٹ گارڈ کے مطابق اتوار کے روز سفر کے آغاز کے ایک گھنٹہ 45 منٹ بعد ہی آبدوز کا رابطہ منقطع ہو گیا تھا

مگر یہ کینیڈا کے ساحلی علاقے نیو فاؤنڈ لینڈ سے تقریباً 600 کلومیٹر دوربرفانی تودے سے ٹکرا کر غرق ہوگیا اور اس میں سوار ڈیڑھ ہزار مسافر اور عملے کے افراد ہلاک ہوگئے۔

ڈوبنے کے بعد اس جہاز کا ملبہ بھی ایک معمہ بن گیا تھا اور 7 دہائیوں سے زائد عرصے بعد 1985 میں اسے دریافت کیا گیا تھا۔

تو دنیا مشہور ترین بحری ملبے کے ایسے حقائق جانیں جو دنگ کر دینے والے ہیں۔

اس حادثے پر پہلی فلم ایک ماہ بعد ہی ریلیز ہوئی

خاموش فلموں میں کام کرنے والی امریکی اداکارہ ڈورتھی گبسن ٹائی ٹینک کے ڈوبنے کے بعد بچ جانے والے 700 مسافروں میں شامل تھیں۔

اس حادثے سے بچ جانے کے بعد نیویارک پہنچ کر انہوں نے فوری طور پر سیوڈ فرام دی ٹائی ٹینک نامی فلم پر کام شروع کیا، جس میں حادثے کو دکھایا گیا تھا۔

یہ فلم مئی 1912 میں یعنی حادثے کے ایک ماہ بعد ریلیز ہو گئی تھی اور اداکارہ نے وہی کپڑے اور جوتے پہن کر کام کیا، جو حادثے کے وقت ان کے جسم پر تھے۔

یہ فلم تو کامیاب رہی مگر اس کے پرنٹ آتشزدگی کے باعث تباہ ہوگئے۔

تھرڈ کلاس مسافروں کی حالت

ٹائی ٹینک کے تھرڈ کلاس کمپارٹمنٹس میں 700 سے ایک ہزار مسافر موجود تھے مگر انہیں دستیاب سہولیات نہ ہونے کے برابر تھی۔

ایک رپورٹ کے مطابق ان مسافروں کے لیے نہانے کے بس 2 ٹب دستیاب تھے۔

عملے کے پاس دوربینیں نہیں تھیں

ٹائی ٹینک کے نگران فریڈرک فلیٹ اور ریگنالڈ لی کو سفر کے دوران دوربینوں تک رسائی نہیں ملی، جس کے باعث وہ بہت دور تک نہیں دیکھ سکتے تھے۔

جہاز کے سیکنڈ آفیسر کو آخری وقت میں تبدیل کیا گیا تھا اور وہ اس لاکر کی چابی بھول گیا جس میں دوربینیں رکھی تھیں، جس کے باعث عملے کے پاس دوربینیں موجود نہیں تھی۔

دنیا کے مشہور ترین بحری جہاز ٹائی ٹینک کے ملبے کی ناقابل یقین تصاویر

ایسے کچھ مناظر سامنے آئے ہیں جس میں دنیا کے مشہور ترین بحری ملبے کو اس طرح دکھایا گیا جو پہلے کبھی دیکھنے میں نہیں آیا۔

یہ چابی 2010 میں ایک لاکھ 30 ہزار ڈالرز میں نیلام ہوئی۔

1912 کی سرکاری تحقیقات کے مطابق دوربینیں نہ ہونے کے باعث برفانی تودہ جہاز ٹکرانے سے محض 37 سیکنڈ پہلے نظر آیا۔

ٹائی ٹینک کی تیاری کے دوران بھی حادثات ہوئے تھے

جہاز کی تعمیر کے دوران حادثات کے باعث 8 افراد ہلاک ہوئے تھے جن میں سے محض 5 کے نام اب معلوم ہیں۔

اس عہد میں دنیا کا امیر ترین شخص بھی ہلاک ہوا

جان جیکب آسٹر 4 کو اس عہد میں دنیا کا امیر ترین شخص تصور کیا جاتا تھا جو 15 کروڑ ڈالرز (موجودہ عہد کے ساڑھے 4 ارب ڈالرز کے برابر) کے مالک تھے۔

وہ ٹائی ٹینک کے ذریعے برطانیہ سے اپنے گھر واپس جا رہے تھے جب حادثے کے باعث ہلاک ہوئے۔

خوش قسمت اور بدقسمت ترین قرار دی جانے والی خاتون

وائلٹ جیسوپ نامی خاتون کو خوش قسمت یا بدقسمت ترین خاتون قرار دیا جاتا ہے۔

وہ پہلے ٹائی ٹینک اور پھر Britannic بحری جہاز ڈوبنے کے واقعات میں بچنے میں کامیاب رہی تھیں۔

ٹائی ٹینک کے حادثے کے وقت ان کی عمر 25 سال تھی اور اس کے 4 سال بعد یعنی 1916 میں Britannic کے حادثے میں بھی بچ گئی تھی جو ایک بارودی سرنگ سے ٹکرا کر تباہ ہوا۔

ایک ناول میں حادثے کی پیشگوئی کافی سال پہلے کی گئی تھی

1898 میں شائع ہونے والے ایک ناول Futility میں ٹائی ٹینک جیسے حادثے کی پیشگوئی کی گئی تھی۔

یہ ناول ایسے بحری جہاز کے بارے میں تھا جس کا نام ٹائٹن تھا اور وہ اپنے پہلے سفر کے دوران اپریل کے مہینے میں برفانی تودے سے ٹکرا کر ڈوب جاتا ہے۔

ناول میں بھی جہاز کو کبھی غرق نہ ہونے والا کہا گیا تھا اور اس میں بھی لائف بوٹس کی تعداد اتنی ہی تھی جتنی ٹائی ٹینک میں تھی۔

جہاز کا ملبہ 73 سال بعد ملا

اگرچہ یہ اپنے عہد کا سب سے بڑا بحری جہاز تھا اور اس کے سفر کا روٹ بھی معلوم تھا مگر اس کا ملبہ 7 دہائیوں کی جدوجہد کے بعد ملا۔

ایسا کہا جاتا ہے کہ امریکی بحریہ کے ایک خفیہ مشن کے دوران ٹائی ٹینک کو دریافت کیا گیا۔

ایک لاش کی شناخت لگ بھگ 100 سال بعد ہوئی

جہاز کے ساتھ ہلاک ہونے والے 1500 میں سے محض 300 افراد کی لاشیں مل سکیں جن میں سے ایک بچے کی لاش بھی شامل تھی۔

اس بچے کی شناخت میوزیم کو عطیہ کیے گئے جوتوں اور ڈی این اے کے ذریعے لگ بھگ 100 سال بعد ہوئی۔

ٹائی ٹینک سے بچنے والی آخری مسافر کا انتقال 2009 میں ہوا

Millvina Dean اس وقت محض 2 ماہ کی تھیں جب انہیں ٹائی ٹینک کے حادثے سے بچایا گیا۔

ان کا انتقال 2009 میں 97 سال کی عمر میں ہوا اور وہ اس حادثے میں بچنے والے افراد میں سب سے آخر تک زندہ رہنے والی شخصیت تھیں۔

جہاز کی تباہی کا باعث بننے والا برفانی تودہ

ویسے تو یقین سے کہنا مشکل ہے کہ ٹائی ٹینک کس برفانی تودے سے ٹکرایا تھا مگر 15 اپریل 1912 میں کھینچی گئی تصویر میں ایک برفانی تودے کو دکھایا گیا ہے۔

یہ تصویر ایک بحری جہاز ایس ایس Prinz Adalbert میں سوار ایک شخص نے کھینچی تھی جسے ٹائی ٹینک کے ڈوبنے کا علم نہیں تھا۔

اس فوٹوگرافر نے ٹکرانے کے آثار جیسے سرخ رنگ کا مشاہدہ کیا تھا۔

جہاز میں محض 20 لائف بوٹس موجود تھیں

ٹائی ٹینک میں مسافروں کی تعداد 2223 تھی مگر لائف بوٹس کی تعداد 20 تھی جس پر 1200 افراد سفر کر سکتے تھے۔

ٹائی ٹینک کی تیاری کے وقت 64 لائٹ بوٹس رکھنے کی منصوبہ بندی کی گئی تھی بعد میں یہ تعداد 32 کر دی گئی، مگر جب جہاز روانہ ہوا تھا تو اس پر محض 20 لائف بوٹس رکھی گئی تھیں۔

جہاز میں سوار ایک میوزیشن کو 2000 تک مردہ قرار نہیں دیا گیا

ٹائی ٹینک میں میوزک بجانے والے افراد میں شامل Roger Bricoux حادثے سے ہلاک ہوگئے تھے مگر انہیں باضابطہ طور پر 2000 میں مردہ قرار دیا گیا۔

اس کی وجہ تو واضح نہیں مگر 88 سال کی کوششوں کے بعد Roger Bricoux کا نام ہلاک ہونے والے افراد کا حصہ بنایا گیا۔