06 جولائی ، 2023 
12 سال بعد پہلی ٹوئٹ میں مارک زکربرگ نے ایلون مسک کا مذاق کیسے اڑایا؟
06 جولائی ، 2023
میٹا کے چیف ایگزیکٹو مارک زکربرگ نے ایک دہائی سے زائد عرصے بعد ٹوئٹر پر پہلی ٹوئٹ کرتے ہوئے ایلون مسک پر طنز کیا ہے۔
مارک زکربرگ کی جانب سے یہ ٹوئٹ اس وقت کی گئی جب میٹا کمپنی کی جانب سے ٹوئٹر کی متبادل ایپ تھریڈز کو متعارف کرایا گیا۔
انسٹاگرام کی جانب سے تھریڈز کو متعارف کرایا گیا جسے ایلون مسک کی زیرملکیت سوشل میڈیا پلیٹ فارم کے لیے سب سے بڑا خطرہ تصور کیا جا رہا ہے۔
تھریڈز کو متعارف کرائے جانے کے چند گھنٹوں بعد مارک زکربرگ نے ٹوئٹر پر ایک تصویر پوسٹ کی جس میں 2 اسپائیڈر مین ایک دوسرے کی جانب انگلی سے اشارہ کر رہے ہیں۔
یہ 2012 کے بعد مارک زکربرگ کی پہلی ٹوئٹ ہے اور اس پر کوئی کیپشن نہیں تھا، جسے اب تک لگ بھگ ایک کروڑ بار دیکھا جاچکا ہے۔
خیال رہے کہ مارک زکربرگ نے تھریڈز کو متعارف کرانے کے بعد انسٹاگرام پر بتایا تھا کہ صرف ایک گھنٹے کے دوران 50 لاکھ افراد نے اس نئی سروس میں اکاؤنٹ بنائے۔
بعد ازاں کمپنی نے بتایا کہ تھریڈز صارفین کی تعداد ایک کروڑ سے زائد ہوگئی ہے۔
اس ایپ کو گوگل پلے اسٹور پر اس لنک جبکہ ایپل کے ایپ اسٹور پر اس لنک پر ڈاؤن لوڈ کیا جا سکتا ہے۔
خیال رہے کہ گزشتہ ہفتے ٹوئٹر کی جانب سے اچانک متعدد تبدیلیاں کی گئی تھیں جن سے سروس کے استعمال پر منفی اثرات مرتب ہوئے۔
پہلے تو کمپنی کی جانب سے ٹوئٹر پر مواد دیکھنے کے لیے لازمی لاگ ان کی شرط عائد کی گئی۔
اس کے بعد ٹوئٹر صارفین کے لیے مواد دیکھنے کی حد مقرر کی گئی۔
4 جولائی کو ٹوئٹر کی جانب سے ٹوئٹ ڈیک کا استعمال ماہانہ فیس یعنی ٹوئٹر بلیو کی سبسکرپشن سے مشروط کر دیا گیا۔
مزید خبریں :
دنیا کا پہلا لکڑی سے بنا سیٹلائیٹ خلا میں بھیج دیا گیا
11 گھنٹے پہلے
ایکس کے بلاک فیچر میں متنازع تبدیلی کو متعارف کرا دیا گیا
05 نومبر ، 2024
مائیکرو سافٹ نے ونڈوز 11 کیلئے ونڈوز ہیلو کو ری ڈیزائن کر دیا
04 نومبر ، 2024
فون یا کمپیوٹر پر جی میل کی ای میلز شیڈول کرنے کا طریقہ جانیں
04 نومبر ، 2024
انسٹا گرام کا ڈائریکٹ میسجز کو اپ گریڈ کرنے کا فیصلہ
03 نومبر ، 2024
گوگل میپس میں نئے اے آئی فیچرز کا اضافہ
03 نومبر ، 2024
