بلڈ شوگر کو کنٹرول میں رکھنے کا آسان طریقہ جان لیں

اگر آپ ذیابیطس ٹائپ 2 جیسے مرض کو ہمیشہ خود سے دور رکھنا چاہتے ہیں تو اچھی اور گہری نیند کو یقینی بنائیں۔

یہ بات امریکا میں ہونے والی ایک طبی تحقیق میں سامنے آئی۔

کیلیفورنیا یونیورسٹی کی تحقیق میں بتایا گیا کہ گہری نیند کے دوران انسولین کے حوالے سے جسمانی ردعمل بڑھ جاتا ہے جس سے اگلے دن بلڈ شوگر کنٹرول بہتر ہوتا ہے۔

تحقیق کے مطابق یہی وجہ ہے کہ اچھی نیند سے محرومی سے ذیابیطس کا خطرہ بڑھ جاتا ہے۔

انسانی جسم کتنا درجہ حرارت برداشت کرسکتا ہے؟ تحقیق میں جواب سامنے آگیا

اس موسم گرما کے دوران دنیا کے متعدد خطوں میں درجہ حرارت 40 ڈگری سینٹی گریڈ سے تجاوز کر چکا ہے۔

اس تحقیق میں 600 افراد کو شامل کرکے ان کی نیند کی عادات کا تجزیہ کیا گیا تھا۔

تحقیق میں دریافت کیا گیا کہ گہری نیند کے دوران دماغی لہریں جسم کے parasympathetic اعصابی نظام کو متحرک کرتی ہیں۔

اعصابی نظام کا یہ حصہ جسم کو پرسکون کرتا ہے جس سے دل کی دھڑکن کی رفتار سست ہوتی ہے اور خون کی شریانیں پھیل جاتی ہیں۔

ہارٹ اٹیک اور فالج جیسے امراض سے بچنا چاہتے ہیں؟ تو ان غذاؤں کا استعمال معمول بنالیں

ایک تحقیق میں بتایا گیا کہ 6 غذاؤں کا ناکافی استعمال دل کی شریانوں سے جڑے امراض کا خطرہ نمایاں حد تک بڑھا دیتا ہے۔

تحقیق میں شامل افراد میں اس نظام کے متحرک ہونے سے دل کی دھڑکن میں آنے والی تبدیلیوں کی جانچ پڑتال کی گئی تھی۔

محققین نے دریافت کیا کہ اس نظام کے متحرک ہونے سے جسم کا انسولین کے حوالے سے ردعمل بڑھ جاتا ہے۔

انسولین وہ ہارمون ہے جو بلڈ شوگر کو کنٹرول کرنے میں مدد فراہم کرتا ہے اور اس کے لیے وہ خلیات کو خون میں موجود گلوکوز جذب کرنے کی ہدایت دیتا ہے، جس سے بلڈ شوگر کی سطح میں اضافہ نہیں ہوتا۔

وہ عام غذائیں جن کے باعث ذیابیطس جیسا مرض وبا کی طرح پھیل رہا ہے

ایک نئی تحقیق میں اس بیماری کے پھیلنے کی بڑی وجہ کا انکشاف کیا گیا ہے۔

محققین نے بتایا کہ نیند کے دوران دماغی لہریں ایک ایسے عمل کو متحرک کرتی ہیں جو ہمارے جسم کے بلڈ شوگر کنٹرول کرنے کے نظام کے لیے اہم ہوتا ہے۔

انہوں نے 1900 افراد پر مشتمل ایک الگ گروپ میں بھی نیند کے اس اثر کا مشاہدہ کیا۔

ان کا کہنا تھا کہ نیند کو ہائی بلڈ شوگر اور ذیابیطس ٹائپ 2 کو کنٹرول کرنے کے لیے استعمال کیا جا سکتا ہے۔

اس تحقیق کے نتائج جرنل سیل رپورٹس میڈیسن میں شائع ہوئے۔