وہ عام غذائیں جن کے باعث ذیابیطس جیسا مرض وبا کی طرح پھیل رہا ہے

ذیابیطس ٹائپ 2 دنیا بھر میں وبا کی طرح پھیلنے والا مرض ہے اور کروڑوں افراد اس کے شکار ہیں۔

ایک حالیہ تحقیق میں انکشاف کیا گیا تھا کہ 2021 میں 52 کروڑ 90 لاکھ افراد ذیابیطس سے متاثر تھے اور 2050 تک یہ تعداد ایک ارب 30 کروڑ تک پہنچ جائے گی۔

اب ایک نئی تحقیق میں اس بیماری کے پھیلنے کی بڑی وجہ کا انکشاف کیا گیا ہے۔

جرنل نیچر میڈیسین میں شائع تحقیق میں بتایا گیا کہ بہت زیادہ مقدار میں پراسیس گوشت اور ریفائن چاول اور گندم (سفید چاول اور فائن آٹا) کا زیادہ استعمال دنیا بھر میں ذیابیطس ٹائپ 2 کے پھیلاؤ کا باعث بن رہا ہے۔

2050 تک ذیابیطس کے مریضوں کی تعداد ایک ارب 30 کروڑ تک پہنچنے کا امکان

2050 تک دنیا بھر میں ذیابیطس ٹائپ 2 کے شکار بالغ افراد کی تعداد میں دوگنا اضافہ ہو جائے گا۔

اسی طرح تحقیق میں سالم اناج کے ناکافی استعمال کو بھی ذیابیطس کے کیسز میں اضافے سے منسلک کیا گیا۔

اس تحقیق میں دنیا کے 184 ممالک کے 1990 سے 2018 تک کے ذیابیطس کے کیسز کے ڈیٹا کی جانچ پڑتال کی گئی تھی۔

تحقیق کے مطابق غیر معیاری کاربوہائیڈریٹس پر مبنی غذا دنیا بھر میں ذیابیطس ٹائپ 2 کے پھیلاؤ کی ایک بڑی وجہ ہے۔

جگر کے عام ترین مرض کی وہ علامات جو اکثر افراد نظرانداز کر دیتے ہیں

اس بیماری کے دوران جگر بہت زیادہ مقدار میں چربی ذخیرہ کرنے لگتا ہے اور اس کا علاج نہ ہو تو اس کے افعال تھم جاتے ہیں۔

کاربوہائیڈریٹس کے ساتھ ساتھ سرخ اور پراسیس گوشت کا بہت زیادہ استعمال بھی ذیابیطس کا شکار بناتا ہے۔

ریفائن چاول اور گندم کے استعمال سے بلڈ شوگر کی سطح میں اضافہ ہوتا ہے اور ان کا زیادہ استعمال کرنے سے انسولین کی مزاحمت کا خطرہ بڑھتا ہے۔

خیال رہے کہ انسولین کی مزاحمت اس وقت ہوتی ہے جب مسلز، چربی اور جگر کے خلیات کو انسولین کے حوالے سے ردعمل میں مشکلات کا سامنا ہوتا ہے جس کے باعث خون میں گلوکوز کی سطح بڑھ جاتی ہے۔

6 گھنٹے سے کم نیند سے جسم پر کیا اثرات مرتب ہوتے ہیں؟

یہ ایک عادت متعدد امراض کا شکار بناسکتی ہے جبکہ دیگر مسائل الگ ہیں۔

پراسیس گوشت میں نمک کی مقدار کافی زیادہ ہوتی ہے جس سے جسم کے اندر ورم بڑھتا ہے اور ذیابیطس سمیت دیگر امراض کا خطرہ بڑھتا ہے۔

تحقیق میں تخمینہ لگایا گیا کہ 2018 میں ذیابیطس ٹائپ 2 کے ہر 10 میں سے 7 کیسز ناقص غذائی عادات کا نتیجہ تھے۔

ماہرین نے بتایا کہ تحقیق سے ان شواہد کو تقویت ملتی ہے کہ ریفائن غذاؤں کے استعمال سے ذیابیطس ٹائپ 2 سے متاثر ہونے کا خطرہ بہت زیادہ بڑھ جاتا ہے۔

آخر کچھ افراد ہر وقت تھکے ہوئے کیوں رہتے ہیں؟

اس طرح کی تھکاوٹ یا سستی کا سامنا دنیا بھر میں کروڑوں افراد کو ہوتا ہے۔

انہوں نے کہا کہ سالم اناج صحت کے لیے فائدہ مند ہوتا ہے کیونکہ اس میں فائبر، وٹامنز اور منرلز کی مقدار کافی زیادہ ہوتی ہے اور یہ سب بلڈ شوگر کی سطح کو مستحکم رکھنے میں مدد فراہم کرتے ہیں۔

ان کا کہنا تھا کہ اگر آپ ذیابیطس کا خطرہ کم کرنا چاہتے ہیں تو پھلوں، سبزیوں اور دالوں کا استعمال زیادہ کریں۔

اس کے ساتھ ساتھ مچھلی انڈوں، پنیر اور چنوں کا استعمال بھی عادت بنائیں۔

اکثر اچانک کچھ میٹھا کھانے کی طلب کیوں ہوتی ہے؟

یقیناً آپ بھی ان افراد میں شامل ہیں جنہیں اکثر و بیشتر اچانک کچھ میٹھا کھانے کی طلب ضرور ہوتی ہے۔

واضح رہے کہ جب کوئی فرد ذیابیطس ٹائپ 2 کا شکار ہوتا ہے تو اس کا جسم غذا میں موجود کاربوہائیڈریٹس کو توانائی میں بدلنے میں ناکام ہوجاتا ہے۔

اس کے نتیجے میں خون میں شکر کی مقدار بڑھتی ہے۔

اگر بلڈ شوگر کی سطح کو کنٹرول نہ کیا جائے تو وقت کے ساتھ امراض قلب، بینائی سے محرومی، اعصاب اور اعضا کو نقصان پہنچنے سمیت دیگر پیچیدگیوں کا خطرہ بڑھتا ہے۔