12 جولائی ، 2023 
تھریڈز میں بہت جلد متعدد اہم فیچرز متعارف کرائے جانے کا امکان
12 جولائی ، 2023
تھریڈز ایپ میں متعدد ایسے نئے فیچرز کا اضافہ جلد کیا جائے گا جن کی کمی صارفین محسوس کرتے ہیں، جس سے اسے ٹوئٹر سے مقابلہ کرنے میں مدد ملے گی۔
یہ بات انسٹاگرام کے سربراہ ایڈم موسیری نے ایک تھریڈز پوسٹ میں بتائی۔
انہوں نے کہا کہ اس نئی ایپ میں پوسٹس کو ایڈٹ کرنے والے بٹن، پوسٹس کو سرچ کرنے کا آپشن اور فالوونگ ٹائم لائن جیسے فیچرز کا اضافہ کیا جائے گا۔
ان کا کہنا تھا کہ ایپ میں نئے فیچرز متعارف کرانے کا سلسلہ رواں ہفتے سے ہی شروع ہو جائے گا۔
خیال رہے کہ تھریڈز ایپ انسٹاگرام سے منسلک ہے اور ممکنہ طور پر ایڈم موسیری ہی اس کا انتظام بھی سنبھال رہے ہیں۔
یہی وجہ ہے کہ وہ اس سوشل میڈیا پلیٹ فارم پر بہت زیادہ سرگرم ہیں اور انہوں نے حالیہ دنوں میں تھریڈز میں ہیش ٹیگز، ٹرینڈنگ ٹاپکس اور ڈیسک ٹاپ ایپ جیسے فیچرز متعارف کرانے کا عندیہ بھی دیا تھا۔
اہم فیچرزکی کمی اور یورپی یونین میں متعارف نہ کرائے جانے کے باوجود میٹا کی اس نئی ایپ کے صارفین کی تعداد محض 5 دن میں 10 کروڑ سے زائد ہوگئی تھی۔
تھریڈز کو انسٹاگرام سے منسلک کیا گیا ہے جس کے صارفین کی تعداد 2 ارب کے قریب ہے۔
میٹا نے یہ ایپ اس وقت متعارف کرائی جب ٹوئٹر میں ایسی تبدیلیاں کی گئی تھیں جو صارفین کو زیادہ پسند نہیں آئیں۔
پہلے تو کمپنی کی جانب سے ٹوئٹر پر مواد دیکھنے کے لیے لازمی لاگ ان کی شرط عائد کی گئی۔
اس کے بعد ٹوئٹر صارفین کے لیے مواد دیکھنے کی حد مقرر کی گئی۔
مزید خبریں :
مائیکرو سافٹ نے ونڈوز 11 کیلئے ونڈوز ہیلو کو ری ڈیزائن کر دیا
04 نومبر ، 2024
فون یا کمپیوٹر پر جی میل کی ای میلز شیڈول کرنے کا طریقہ جانیں
04 نومبر ، 2024
انسٹا گرام کا ڈائریکٹ میسجز کو اپ گریڈ کرنے کا فیصلہ
03 نومبر ، 2024
گوگل میپس میں نئے اے آئی فیچرز کا اضافہ
03 نومبر ، 2024
