20 جولائی ، 2023 
ایپل کا چیٹ جی پی ٹی کے مقابلے میں اپنا اے آئی چیٹ بوٹ تیار کرنے کا فیصلہ
20 جولائی ، 2023
ایپل کو آئی فونز، آئی پیڈ ٹیبلیٹس اور میک کمپیوٹرز کے لیے جانا جاتا ہے، مگر اب یہ کمپنی چیٹ جی پی ٹی سے مقابلے کے لیے اپنے جنریٹیو آرٹی فیشل انٹیلی جنس (اے آئی) ٹول تیار کرے گی۔
بلومبرگ کی ایک رپورٹ کے مطابق ایپل کی جانب سے لارج لینگوئج ماڈلز پر مبنی اے آئی ٹولز کی تیاری کے لیے فریم ورک تیار کیا گیا ہے۔
اس فریم ورک کو Ajax کا نام دیا گیا ہے جبکہ ایک چیٹ بوٹ سروس پر بھی کام کیا جا رہا ہے جسے کمپنی کے اندرونی حلقوں نے ایپل جی پی ٹی کا نام دیا ہے۔
خیال رہے کہ چیٹ جی پی ٹی جیسے چیٹ بوٹس لارج لینگوئج ماڈلز پر مبنی ہوتے ہیں اور انہیں انٹرنیٹ سے حاصل کیے گئے ڈیٹا سے تربیت دی جاتی ہے، تاکہ وہ صارفین کے سوالات کا جواب دے سکیں۔
اوپن اے آئی کے چیٹ جی پی ٹی اور گوگل بارڈ جیسے اے آئی چیٹ بوٹس لارج لینگوئج ماڈلز پر مبنی ہیں۔
حالیہ مہینوں میں اے آئی ٹیکنالوجی کے شعبے میں متعدد بڑی کمپنیوں جیسے مائیکرو سافٹ، میٹا اور گوگل نے قدم رکھے ہیں، مگر ایپل نے اس حوالے سے اب تک کچھ نہیں کیا تھا۔
ایپل کی جانب سے اے آئی ماڈلز کی تیاری کی رپورٹ اس وقت سامنے آئی ہے جب 18 جولائی کی شب میٹا کی جانب سے لارج لینگوئج ماڈل لاما 2 متعارف کرایا گیا۔
میٹا نے اس اے آئی ماڈل کے لیے مائیکرو سافٹ کے ساتھ شراکت داری کی ہے اور یہ تحقیقی اور کمرشل مقاصد کے لیے مفت دستیاب ہوگا۔
مزید خبریں :
واٹس ایپ میں ایک نئے کارآمد فیچر کا اضافہ
27 نومبر ، 2024
انسٹا گرام میں اب واٹس ایپ کی طرح لائیو لوکیشن شیئرنگ ممکن
26 نومبر ، 2024
