04 اگست ، 2023 
پاکستان
پاک کالونی میں ٹرک کے نیچے ماں بیٹی کی ہلاکت کے واقعے کی ویڈیو سامنے آگئی
04 اگست ، 2023
کراچی: پاک کالونی میں ٹرک کے نیچے آکر ماں بیٹی کے جاں بحق ہونے کے واقعے کی سی سی ٹی وی سامنے آگئی۔
فوٹیج میں موٹرسائیکل سوار فیملی اور مخالف سمت سے آنے والے ٹرک کو بھی دیکھا جاسکتا ہے۔
ویڈیو میں موٹر سائیکل سوار فیملی کے پیچھے آوارہ کتے کو بھاگتے بھی دیکھا جاسکتا ہے، کتے کے کاٹنے کے ڈر سے موٹر سائیکل سوار گھبرا کر موٹر سائیکل دوڑاتا ہے جس سے موٹر سائیکل بے قابو ہوکر ٹرک کے نیچے چلی جاتی ہے۔
واضح رہےکہ 28 جولائی کو پیش آنے والے اس حادثے میں خاتون نگینہ اور اس کی 3سال کی بیٹی ارمیش جاں بحق ہوگئی تھی جب کہ پولیس نے ٹرک ڈرائیور کو گرفتار کیا تھا۔
