07 اگست ، 2023 
واٹس ایپ میں وائس چیٹس کا اضافہ، یہ نیا فیچر کس کام آئے گا؟
07 اگست ، 2023
واٹس ایپ کی جانب سے مسلسل نئے فیچرز کو متعارف کرایا جاتا ہے تاکہ صارفین کو زیادہ سہولت مل سکے۔
اب میٹا کی زیر ملکیت میسجنگ ایپ میں ایک نئے فیچر وائس چیٹس کا اضافہ کیا جا رہا ہے۔
wabetainfo کی رپورٹ کے مطابق یہ نیا فیچر ہے اس وقت بیٹا (beta) ورژن میں متعارف کرایا گیا ہے۔
وائس چیٹس بنیادی طور پر گروپ میں آڈیو چیٹ کا نیا آپشن ہے۔
رپورٹ میں فیچر کا اسکرین شاٹ بھی شیئر کیا گیا جس سے عندیہ ملتا ہے کہ اس فیچر کے تحت گروپ چیٹ پر ایک نیا وائس ویو فارم (waveform) آئیکون بنا نظر آئے گا۔
اس آئیکون پر کلک کرنے پر وائس چیٹ خودکار طور پر شروع ہو جائے گی جس کے لیے ایک مخصوص انٹرفیس مختص کیا جائے گا۔
گروپ میں شامل افراد اس وائس چیٹ کا حصہ بن سکیں گے۔
اگر وائس چیٹ کو استعمال نہیں کیا گیا تو کسی فرد کے حصہ نہ بننے پر اس کا سیشن خودکار طور پر 60 منٹ بعد ختم ہو جائے گا۔
رپورٹ میں بتایا گیا کہ اس فیچر کی خاص بات یہ ہے کہ اسے استعمال کرنے پر گروپ میں شامل افراد کے فونز کی رنگ ٹون نہیں بجے گی بلکہ ایک نوٹیفکیشن کے ذریعے انہیں وائس چیٹ کے آغاز کا بتایا جائے گا۔
ایک وائس چیٹ میں 32 افراد ہی شامل ہو سکیں گے۔
چونکہ ابھی یہ فیچر بیٹا ورژن میں دیا گیا ہے تو یہ کہنا مشکل ہے کہ کب تک تمام صارفین کے لیے اسے متعارف کرایا جائے گا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
